Onte te’n vas Mariana
Sensa me saludar ?
Sembla qu’as oblidat
Mont-Segur e Malhana.

O diga-me Mariana,
De que i …

Legir tot

Onte te’n vas Mariana
Sensa me saludar ?
Sembla qu’as oblidat
Mont-Segur e Malhana.

O diga-me Mariana,
De que i a que vai pas ?

Perqué me fas la fonha
Quand parle a meis enfants ?
Lo parlar de mei grands
Ieu, me fai pas vergonha.

O diga-me Mariana,
De que i a que vai pas ?

Perqué siás enrabiada ?
Perqué vòs dominar ?
Laissa un pauc caminar
Mon pichòt sus mei piadas.

O diga-me Mariana,
De que i a que vai pas ?

As plantat sus la plaça
L’aubre de Libertat.
Alòr laissa volar
Au cèu l’aucèu que passa.

O diga-me Mariana,
De que i a que vai pas ?

Perqué tant d’aïrança ?
Ieu totjorn t’amarai.
Vaquí lo mes de mai,
Laissa-me l’esperança.

O diga-me Mariana,
Ieu vòle pas crebar !

A perdut son caton,
Son caton a partit.
La paura Margoton
N’a meme perdut l’apetit.
Car dedins son canton
Lei …

Legir tot

A perdut son caton,
Son caton a partit.
La paura Margoton
N’a meme perdut l’apetit.
Car dedins son canton
Lei gents lei plus marrits
Dison que son caton
Ara es ben mòrt e qu’es finit.

Dison tanben que s’es gitat
Dedins lo fons d’un grand valat,
E que s’es fach tot escrachar
E puei qu’es tot escrabolhat !

Margòt te ne’n fas pas,
Escota ton amic,
Leis autrei son fadats
E se ton caton a partit,
Es anat promenar
Dins un autre païs :
Aièr l’ai vist passar
En direccion dau Paradís.

Era montat d’escambarlon
Sus una fusada en carton,
E s’envolava vèrs Pluton
Per veire se i a de ratons !

A perdut son caton,
Son caton a partit.
La paura Margoton
N’a meme perdut l’apetit.
Se dedins son canton
Lei gents lei plus marrits
Dison que son caton
Ara es ben mòrt e qu’es finit.

Dison tanben qu’a cabussat
Que s’es fach tot ratatinar
E puei que s’es fach rosigar
Tot entier per lei corpatas !

Margòt te ne’n fas pas
Escota ...

Ieu espère Adèla
Per la bagatèla.
Mai saup que vèn per aquò,
Fau pas li dire dos còps.
Lei sòus …

Legir tot

Ieu espère Adèla
Per la bagatèla.
Mai saup que vèn per aquò,
Fau pas li dire dos còps.
Lei sòus se ne’n trufa,
Es pas ‘na baudufa.
Lo diluns n’ai capitat
L’esclusivitat.

Que degun la toca,
Se vòle sa boca
I a pas besonh de question,
D’empurar la combustion.
Comble de tendressa
Mesclat d’alegressa,
Me fai de gròs potonas
Sus lo bot dau nas!

Ieu espère Adèla
Per la bagatèla.
Me fau l’esperar quand plòu
Perdequé m’a dich :« Ai paur
Quand plòu e quand banha,
Tot aquò me lanha ».
Belèu que prendrà lo car
De sièis oras e quart.

Mai la paura Adèla
A ges de cervèla,
A degut èstre en retard
E puei a mancat son car.
Que m’a fach l’Adèla?
La cresiáu fidèla.
Ai començat d’oblidar
Sa sinceritat.

Mai la polideta
Es tròp besuqueta
E se lo soar manja pas,
Aquò pòu la constipar.
Belèu qu’es malauta,
Es pas de ma fauta.
E puei se pòu pas venir,
Per ieu es finit.

Tant pis per l’Adèla,
M’aurà pas la bèla.
E se vèn pas, ieu me’n vau,
E m’entorne a mon ostau.
Belèu ma cosina
A aduch sa copina,
Coma i agrada lei durs
Es un còp segur !

Adieu paure, adieu paure,
adieu paure Carnaval (bis)

Carnaval èra un bon òme
Qu’aviá fach son testament.
Aviá ren leissa’ …

Legir tot

Adieu paure, adieu paure,
adieu paure Carnaval (bis)

Carnaval èra un bon òme
Qu’aviá fach son testament.
Aviá ren leissa’ sa fema,
Encara mens a seis enfants.

Tu te’n vas e ieu me leisses
Emé lei borsons curats.
S’aviás pas agut la foira
Sariás pas tombat tant bas.

Tu te’n vas e ieu demòre
Per manjar la sopa a l’alh.

Ai rescountra ma mìo, dilun,
Que s’enanavo vèndre de fum,
Lun-fum-tòu !

R-Entourno-te ma mìo,
Entourno-te que plòu.
Entourno-te ma …

Legir tot

Ai rescountra ma mìo, dilun,
Que s’enanavo vèndre de fum,
Lun-fum-tòu !

R-Entourno-te ma mìo,
Entourno-te que plòu.
Entourno-te ma mìo,
Entourno-te que plòu.

Ai rescountra ma mìo, dimar,
Que s’enanavo vèndre de lard,
Mar-lard-lun-fum-tòu !

Ai rescountra ma mìo, dimècre,
Que s’enanavo vèndre de lèbre,
Mècre-lèbre-mar-lard-lun-fum-tòu !

Ai rescountra ma mìo, dijòu,
Que s’enanavo vèndre de biòu,
Jòu-biòu-mècre-lèbre-mar-lard-lun-fum-tòu !

Ai rescountra ma mìo, divèndre,
Que s’enanavo vèndre de cèndre,
Vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, dissate,
Que s’enanavo vèndre de pasto,
Sate-pasto-vèndre-cèndre- jòu-biòu-mècre-lèbre-mar-lard-lun-fum-tòu !

Ai rescountra ma mìo, dimènche,
Que s’enanavo vèndre de micho,
Mènche-micho-sate-pasto-vèndre-cèndre-jòu-biòu-mècre-lèbre-mar-lard- lun-fum-tòu !

Ai rescountra ma mìo, un jour,
Que s’enanavo vèndre de flour,
Jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, un mes,
Que s’enanavo vèndre de pes,
Mes-pes-jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Ai rescountra ma mìo, un an,
Que s’enanavo vèndre de pan,
An-pan-mes-pes-jour-flour-mènche-micho-sate-pasto-vèndre-cèndre-jòu-biòu-mècre-lèbre-mar-lard-lun-fum-tòu !

Aniue, nòsti vesin
Eron tóutis en fèsto,
Emé si tambourin
Me fasien mau de tèsto ;
Courrien pèr campagno
Emé …

Legir tot

Aniue, nòsti vesin
Eron tóutis en fèsto,
Emé si tambourin
Me fasien mau de tèsto ;
Courrien pèr campagno
Emé grand plesi,
Iéu, aviéu la lagno,
Poudiéu pas dourmi.

D’entèndre aquéu grand brut,
Iéu sabiéu plus que faire ;
Cresiéu d’èstre perdu !
Revihère ma maire.
Coume poudès crèire,
Me siéu abiha
E siéu ana vèire
Co qu’èeo arriba.

En fasènt moun camin
Rescountrère Justino.
Iéu ié diguère ansin :
- Digas-me ma vesino,
Me pourrias pas dire
Co qu’es arriba ?
S’ei boutado à rire
E me l’a counta.

M’a di qu’un bèu garçoun
A pres nosto naturo,
Pèr paga la rançoun
De touto creaturo.
Tre que l’entendère
Aguère grand gau,
E ié courreguère
Coume un perdigau !

En arribant au liò
Ounte èro l’Acouchado,
Ié faguère bon fiò,
Ero touto jalado.
E pièi despleguère
Un bèu pedas blanc,
E iéu ajudère
A muda l’enfant.

Tre que fuguè muda
Prenguère mei clincleto,
Me boutère à canta
La tan-luro-lureto.
Cantère e dansère
Pèr lou rejouï,
Mai m’enraumassère :
Fau rèn que tussi.

Aro n’ai pas lesi
De vous counta lou rèsto ;
Mai se voulès veni
Deman que sara fèsto,
Veiren l’Acouchado
E l’enfant au brè ;
Toucaren l’aubado,
Diren de Nouvè.

Au cafè dau vièlh Leon
I a una bèla jovènta
Que dins son blanc cotilhon
Sèrv lei clients, lei clientas. …

Legir tot

Au cafè dau vièlh Leon
I a una bèla jovènta
Que dins son blanc cotilhon
Sèrv lei clients, lei clientas.

E ieu, dins mei braias de pacan,
Solet, a costat dau fornelet,
Me siáu assetat en tremolant
E i ai coumandat un gobelet.

Au cafè dau vièlh Leon,
I a una bèla joventa
Que ié dison Marion,
Tant polida, tant risenta.

Es ben braveta e fai pas semblant
Quand vèn pròcha de ieu gentament
Per me servir mon gòt de vin blanc,
Ieu ne’n rèste mut, completament.

Au cafè dau vièlh Leon
Vau assajar sensa crenta
De parlar a Marion
Qu’es belèu pas tròp pacienta.

E chasque matin en la vesent,
Ne’n siáu mai que mai destimborlat.
La Marion me sèrv en risent
Mai siáu pas pron gailhard per parlar.

Au cafè dau vièlh Leon
Marion, bèla jovènta,
Se marida a son patron
Deman a dètz oras trenta.

E ieu, dins mei braias de pacan,
Siáu rintrat dins un autre cafè
E me siáu empegat au vin blanc
Per oblidar ma malanconiá.

Au cafè de la Marion,
Lei clients e lei clientas
An plus vist lo grand colhon
Que badava la joventa.
An plus vist lo grand colhon
Que badava la joventa.
An plus vist lo grand colhon
Que badava la joventa.

Vaquí venir lo postilhon que brama
Per anonciar que tot vai començar.
E puei vaquí lo postilhon que crana
Sus …

Legir tot

Vaquí venir lo postilhon que brama
Per anonciar que tot vai començar.
E puei vaquí lo postilhon que crana
Sus son chivau que fai que de cagar.
Hò ! mai de que fan lei dos bota-en-trin
Qu’assajan de mesurar lo camin ?
An belèu begut tròp de vin
D’un mètre ne’n fan quatre ò cinc.

R. Balalin e balalant,
Vaquí lo Carri de Mazan.
Es aquí que vèn.
Tot lo camin tèn.
Garcetz-vos lèu dau mitan,
Vaquí lo Carri de Mazan.
Se lo vesètz pas ‘quest an,
Repassarà mai dins vint ans.

Puei lei tambors a grands còps de baguetas
Ran-tan-plan-plan, se cresan lei plus bèus.
Mai an pas tòrt car vaquí lei trompetas
Que bofan mai que l’àngel bofarèu.
Ah ! Coquin de sòrt, lo polit capèu
Dau cavalier que pòrta lo drapèu.
La cantiniera dau mitan
Se maridarà pas ‘quest an !

Que de travalh per lo veterinari
I a belèu mai de cent trenta chivaus.
Vaquí enfin lo grand Senhor dau Carri
Qu’es tot content de veire lei badaus.
Ieu, siáu segur qu’a chausit un grefier
Que, que, que, que, que, que, qu’es un pauc bret
Per remplaçar son vièlh viguier
Qu’es mut com’un tròç d’olivier.

Lei menestriers cantan de colhonadas
Mai li fai ren ‘quò fai ben rigolar
Lei musicians que per la galejada
Fan ba-be-lo, e be bòp a lo-là.
Vaquí lo Senhor, ‘queu dei Cacalaus
Segur qu’aquest an marca pas tròp mau.
E puei lo Senhor dei Tavans
Que son ase a lo quieu tot blanc.

R-E ! Barnabèu, tei braias
Son grandas de talha.
Te faudriá, crèses pas,
Un pauc lei remontar ?
E! Barnabèu, …

Legir tot

R-E ! Barnabèu, tei braias
Son grandas de talha.
Te faudriá, crèses pas,
Un pauc lei remontar ?
E! Barnabèu, tei braias
Son grandas de talha.
A! Lei braias a la mòda
Es pas totjorn comòde.

1- Un divendre matin
Que fasiá força bèu,
S’èra mes en camin
Mon amic Barnabèu.
Come aviá quatre sòus,
Qu’èra un pauc besuquet,
S’èra vestit de nòu,
E sa fema disiá :

2-Barnabèu qu’èra fièr,
Fasiá gaire atencion,
Car s’èra endralhat per
Faire lei comissions.
Dins lo super-marcat,
I aviá de promocions.
E per lo tartiflar
I aviá la Margoton

3-Barnabèu a vogut
Destacar un cadí,
Mai a jamai poscut
Bòrd qu’es pas desgordit.
Ara lei carretons
Fau lei descadenar,
E come es tròp colhon,
Posquèt pas i arribar.

4-"Te’n fagues pas mon bèu"
La Margoton li a dich:
"I arribarem belèu,
Sensa prendre un cadí.
Prendrem tot dins lei braçs
Un pauc tu, un pauc ieu,
Ne’n metrai dins lo cas
Un pauc dins mon faudiu."

5-Son rintrats d’escondons
Dins lo super-marcat,
E Margòt, tron de nom,
Voguèt tot achatar.
Crompa que cromparàs,
Margòt fasiá tant lèu,
Que dins tres torns de braç
N’aguèt plen son faudiu.

6-"’Queste còp, Margoton"
Li diguèt Barnabèu,
"Crèse que n’avèm pron,
Vas petar ton faudiu".
"Taisa-te, grand fadat"
Li diguèt Margoton,
"As que de ne’n botar
Dedins ton pantalon."

7-Barnabèu, non de non,
Se faguèt pas pregar;
Quitèt lo centuron,
Comencèt de cargar,
La Margòt vesent ’quò,
I meteguèt pereu
Tres quilòs d’aubricòts,
De tartifles e de mèu,
Un camembert ben fach,
Un pauc de Panzanís,
Un pauc de Bananià,
E puei es pas fenit :
De merluça a la sau,
E de Coca-Colà,
Un pareu d’estivaus
E de buòu conjalat.
Un pauc de papier-quieu,
Un pauc de chocolat,
Quatre tricòts de pèu
E dos melons crapats.
Un paquet de Conus
Antí-depausicion
Qu’an mostrat tot bèu just
A la television.

8-Quora a faugut pagar
’Quò siguèt plus parier
A faugut desbralhar
Tota la "palanqué".
E vaquí Barnabèu
Descargar ’mé Margòt,
Lei tartifles novèus,
Lo mèu, leis aubricòts.
Vaquí lo papier-quieu,
Vaquí lo chocolat,
E lei tricòts de pèu,
E lei melons crapats,
Lo paquet de Conus
Antí-depausicion
Qu’an mostrat tot bèu just
A la television.
La merluça a la sau
E lo Coca-Cola,
Lo pareu d’estivaus
E lo buòu conjalat.
Vaquí lei Panzanís,
Vaquí lo Bananià,
Mai mancava pardí
Lo camembert ben fach!

R-E la caissiera en aia
Badava lei braias,
Disiá: "Oblidatz pas
De ben lei remontar.
Ai jamai vist de braias
Tant grandas de talha.
E lei braias a la moda,
Ara, son ben comòdas.

9-Mai l’amic Barnabèu
Sentiá degolinar,
Enjusqu’a seis artèus,
Lo camembert tròp fach.
Empestava tant fòrt
Que diguèt per blagar:
"Bregand, coquin de sòrt,
Se deu èstre envolat !"

1-Amondaut dins la montanha,
Dins un mas tot escrancat,
Era encara la campanha,
Un gau fasiá que cantar.
Aquí restava …

Legir tot

1-Amondaut dins la montanha,
Dins un mas tot escrancat,
Era encara la campanha,
Un gau fasiá que cantar.
Aquí restava un paure ome:
Bartomieu, lo vielh pacan,
Atifat ’mé son costume
Petaçat de carmentran.

R-Mai son còr a Bartomieu
Era pas tot petaçat.
Mai son còr a Bartomieu
Era pas tot estraçat.
Mai son còr a Bartomieu
Era pas tot espeçat.
Mai son còr a Bartomieu
Era pas encar passat.
I aviá totjorn sus sa taula
Una sieta per quauqu’un.
I aviá totjorn dins sa granja
Una jaça per quauqu’un.
I aviá totjorn dins sa cava
Un pauc de vin per quauqu’un.
I aviá totjorn dins son fuòc,
Una flama per quauqu’un.

2-Aviá ’na vesta traucada
Qu’aviá perdut sei botons.
Urosament qu’èra cauda,
Facha de pèu de moton.
Come un bomian, lo paure ome
’Mé son capèu estraçat
Que quand ploviá fasiá come
Lei cats per pas se banhar.

3-Quand Bartomieu s’assetava
Sus son banc tot esclapat,
La chaminèia tubava
E lo bosc mancava pas.
Aviá ’na vièlha bofarda
’Mé lo bot tot espeçat.
E tirava una bofada
Per atubar lo tabac.

4-E s’un còp dedins ta vida
Siás un pauc malanconieu,
Fai un torn per la bastida
D’aqueu paure Bartomieu.
Ieu, m’agradava aquel ome
’Mé son tricòt tot passat
Que quand èra jovenome
Sa grand li aviá tricotat.

Au jardin de moun paire
I’a tant bèu pin.
Toui lis aucèu que canton
Li fan soun nis (bis)
Mis …

Legir tot

Au jardin de moun paire
I’a tant bèu pin.
Toui lis aucèu que canton
Li fan soun nis (bis)
Mis amour,
Li fan soun nis.

Ai ! Caio bello caio
Ounte es toun nis ?
Au plan païs,
Mis amour,
Au plan païs.

Ai! Caio, bello caio
Que i’a dedins?
I’a quatre damisello
‘Mé iéu fai cinq.
Dos van à l’aigo,
Uno autro vai au vin.
L’autro fai la dormo pèr dourmi.

Prène moun aubaresto
Li vau tira.
Ai tira sus li quatre
Lis ai manca, (bis)
Mis amour,
Lis ai manca.

Ai tira sus ma mìo,
Iéu l’ai maca.
Ai! Mìo, pauro mìo,
T’ai bèn fa mau ?

Aquèu qu’a tua sa mìo
Dèu pas ‘sta aici.
Dèu ana à la guerro
Lou rèi servi.

Se passe dins la villo
Me penjaran.
Se passe dins lou Rose
Me negaran.

Au bèu mitan dóu Rose
Ause souna
Li clar de pauro mìo
Qu’aviéu maca, (bis)
Mis amour,
Qu’aviéu maca.

Vaquí dins lo detalh, vaquí Mossur, Madama,
Coma l’amor venguèt destorbar mon langui :
Lei gents li disián Blanca, èra …

Legir tot

Vaquí dins lo detalh, vaquí Mossur, Madama,
Coma l’amor venguèt destorbar mon langui :
Lei gents li disián Blanca, èra coma una flama,
Me fai vergonha un pauc de dire tot aquí.

Quand sieguèt dins lo liech, devenguèt nervoseta,
Sus lo linçòu semblava un pichonet caton
Amudit, malicios, e dessus sa boqueta
Que disiá totjorn ren, li faguère un poton.

Blanca, o! ma Blanca,
Sauvatja, roge coar,
La corba de teis ancas,
Me’n sovène de coar.

Èra coma un volcan brutlant de mila flamas,
Un brasàs que degun aviá encara empurat.
Ieu qu’aviáu ges de biais, que sabiáu ren dei damas,
Ère son bèu promier, me l’a assegurat.

Aqueu vanc d’amoreta apeteguèt l’anhèla,
E sa possa afogada escapava a mei mans.
Reguinhava la bèla emé son biais d’anguièla,
Ieu, fòlh, estabosit, de mai en mai gromand.

Blanca, o! ma Blanca,
Per teis uelhs suplicants,
Lo coratge me manca,
Ieu que siáu qu’un pacan.

Pescaire me siáu fach, per agantar l’anguièla,
De chaspar sei possetas, ieu n’ère jamai las.
E siáu restat la nuech em’aquela gazèla
Que me chausiguèt per faire son promier pas.

Es coma aquò qu’ai fach ma plus bèla culida,
En barrutlant solet, tristonet dins París.
Sensa relambi cerque aquela Eva esvalida,
Qu’un soar d’abrieu m’a fach veire lo Paradis.

Blanca, o! ma Blanca,
Sauvatja, roge coar,
I a lo gost de ta boca
Qu’es restat dins mon coar.

1-
Davant la fònt agotada
As paur de crebar de set.
Davant la busca cremada
As paur de crebar de …

Legir tot

1-
Davant la fònt agotada
As paur de crebar de set.
Davant la busca cremada
As paur de crebar de freg.
Per demandar ta becada
As paur de levar lo det
E piei dins la barricada
As paur de mandar lo pè.

R-
Escota-me cambarada,
Cambarada escota-me !
La partida es pas ganhada
Tant qu’as pas mandat lo lec
E davans la mauparada,
Anem zóu, bolega-te !
Te fau pas restar en rada
Aquí coma un pissa-freg !
Anem zóu, revilha-te !
Te fau revilhar.
Anem zóu, despacha-te !
Te fau despachar.
Anem zóu, espossa-te !
Te fau espossar.
Atencion, bolega-te !
Te fau bolegar.

2-
Quand ton patron petarada
Siás totjorn lisquet-lisquet
E sufís d’una engulada
Per te copar lo caquet.
Per impausar ta comanda
As paur de durbir lo bèc
E quand la pòrta es barrada
As paur de passar promier.

3-
Quand ta sieta es pron cargada
Fas totjorn lo besuquet
E quand fas la cabussada
Vòs plus te remetre drech.
Davant la granda montada
Siás jamai pron galhardet
E vas a la reculada
Alòr que pòs anar drech.

R- E caminen, caminen, caminen
Tóutis ensèn.
E veiren bèn, veiren bèn, veiren bèn
Se cabussèn :
Se sian pas …

Legir tot

R- E caminen, caminen, caminen
Tóutis ensèn.
E veiren bèn, veiren bèn, veiren bèn
Se cabussèn :
Se sian pas mai, siguen pas mens !
E caminen, caminen, caminen
Tóutis ensèn.
Pièi proufiten, proufiten, proufiten
Dóu tèms que vèn :
Garden la fe dins l’an que vèn !
1-Prenen la man
Di mignard, di gaiard, di mau-gaiard,
Prenen la man
Di mouflard, di gros-lard, di boudiflard.
Prenen la man
Di gulard, di goulard, di galavard.
Prenen la man
Di bastard, di testard e di mastard.

2-Prenen la man
Di serious, di curious, di malurous.
Prenen la man
Di crentous, di fierous, di pretencious.
Prenen la man
Di bountous, di gastous, di vanitous.
Prenen la man
Di crassous, di nervous e di tegnous.

3-Prenen la man
Di fada, di fenat, dis ensuca.
Prenen la man
Di couquin, di malin, di petachin.
Prenen la man
Di badau, di malaut, di marco-mau.
Prenen la man
Di pelu, di calu e pièi di mut.

4-Prenen la man
Di bestias, di fenias, di mouligas.
Prenen la man
Di bounias, di bravas, di bedigas.
Prenen la man
Di gusas, di poufias, di petoufias.
Prenen la man
Di rascas, di pauras e di raspias.

Ai un chin que japa pas
E un chin qu’es un pauc gòi.
Aqueu que pòu pas japar
Pòu jamai …

Legir tot

Ai un chin que japa pas
E un chin qu’es un pauc gòi.
Aqueu que pòu pas japar
Pòu jamai japar lo gòi.
Mai lo gòi, eu, pòu japar
An aqueu que japa pas.

Refranh :
Chin-cat-chin-cat-chin-cat- cat,
Chin-cat-chin-cat-cat.

Ai un chin qu’es un pauc gòi
E un chin que japa pas.
‘Queu que marcha de guingòi
S’estramassa a chasque pas.
Lo chin qu’es pas gòi es gai,
E lo chin gòi es pas gai.

Ai un cat qu’ataca pas
E un cat karatekà.
Lo caton qu’ataca pas
Se fai tratar d’acatat
Per lo cat karatekà
Que fai ‘quò per cacalar.

Ai un cat que cassa pas
E un cat un pauc colhon.
Aqueu que pòu pas cassar
Se fai tratar de colhon
Per aqueu que pòu cassar,
Que fai ‘quò per l’agassar.

Ai un cat un pauc colhon
E un cat que cassa pas.
Aqueu qu’es un pauc colhon
S’escagassa per sopar.
Saup pas lipar son bolhon
Sens enviscar leis arpions.

Lo chin gòi, lo cat colhon
Fan que de se chicanar.
Lei chins fan pas de catons
Mai lei chins son « estats-cats ».
Mesclar lei chins ‘mé lei cats
Es un pauc tròp delicat.
Come es un pauc complicat
Me’n vau belèu arrestar !

R. Coquin de sòrt !
Que d’estrambòrds !
A Mazan, de que fan de tant matin ?
Coquin de sòrt …

Legir tot

R. Coquin de sòrt !
Que d’estrambòrds !
A Mazan, de que fan de tant matin ?
Coquin de sòrt !
Que d’estrambòrds !
Es lo Carri qu’es per camin !

Venètz totei, gents de Provença,
Venètz veire lo bèu Senhor.
Lei chivaus son jà en partença,
De Mazan van faire lo torn.

Parisians, estrangiers, toristas,
Nas violets per tròp de solèu,
Quitatz vòsteis èrs un pauc tristes…
Mai oblidetz pas lo capèu !

Au vilatge dei pinta-gabis,
Lo passat revèn lo present !
E lei Mazanens sens relambi,
Rendan tot lo monde risent !

Lei galòis, lei dròles e lei filhas,
Lei tristàs, lei vièlhs, lei jovents,
Totei son devenguts cotrilhas,
Meme lei testards son contents !

Per coronar tant bèla fèsta,
Fau tastar lo vin dau Païs,
Tot d’un temps fai virar la tèsta.
Es un jorn de borroladís !

R- E vioun, vioun-vioun, vioun-vioun, vioun-vioun,
Fasès l’aumounio au paure bourlie.
E vioun, vioun- vioun, vioun-vioun, vioun-vioun,
Que rasclo sus …

Legir tot

R- E vioun, vioun-vioun, vioun-vioun, vioun-vioun,
Fasès l’aumounio au paure bourlie.
E vioun, vioun- vioun, vioun-vioun, vioun-vioun,
Que rasclo sus soun viouloun.

Ran tan plan, turlutu,
Siéu lou rèi de la fabrico.
Ran tan plan, turlutu,
L’an que vèn lou sarai plus.

Ai perdu moun coutelet
Dins la vigno dóu Cadet.

A la cimo dóu Brichat.
Me lou vòu pas rèndre,
Me lou farai rèndre
Pèr un moussèu de pan tèndre
Dur, dur, dur
Coumo la sabato d’un voulur.
Me lou vòu pas rèndre,
Me lou farai rèndre
Pèr un moussèu de pan tèndre
Sabo, sabo de mourtié
Sabo, sabo, autramen t’espèie.

La jalino crocho
Sauto sus la rocho;
De la rocho sus lou banc
Dins lou croussoun de l’enfant.

L’an perdu lou nòvi, l’an perdu.
Dins la pailio dóu blad lou nòvi, l’an trouva.

Pauro lagramuso,
T’an coupa la coua,
T’an leissa lou bè
La pauro bèstio.
T’an coupa la coua,
Pèr s’amusa.

Celèsto,
Vène eici veilia.
D’aquèsto fèsto
Tuaren nostre chat.
La tèsto, e lis arpilioun
Faran de rèsto
Pèr lou revelioun.

Danso, danso bergeireto
Que deman fara bèu tèms.
A la vigno de ma tanto,
Li a de bouan rasin muscat. …

Legir tot

Danso, danso bergeireto
Que deman fara bèu tèms.
A la vigno de ma tanto,
Li a de bouan rasin muscat.

Anen li que li a lou mèstre,
Que n’en fara bèn manja.
Anen li que li a lou mèstre,
Que n’en fara bèn manja.

Ai un capelou de palio
Que li manco lou courdou.
Bouto-li me lou, Madamo,
Farai quaucarèn pèr vous.

Anen quère de farino,
E pièi d’iòu quand n’auren prou
Faren quàuquei bachiquello
En dansant lou rigaudou.

E deman sara dimenche,
Anaras ‘mé lei garçou.
Que parèis que soun prou lèste
Quand an begu un canou.

Repic :
Mai de qu’es aquò, un Païs ?
Es-ti l’estiu, es-ti l’ivèrn ?
Es-ti alòr lo Paradís ?
O …

Legir tot

Repic :
Mai de qu’es aquò, un Païs ?
Es-ti l’estiu, es-ti l’ivèrn ?
Es-ti alòr lo Paradís ?
O belèu simplament l’Infèrn ?

Un Païs es un tròç de Terra
Que te fau parar tant que pòs
De l’aïrança e de la guerra
Per samenar la flor de Patz.

Un Païs es una mameta
Que regarda un pareu d’enfants.
Que deven tota risoleta
En li vesent man dins la man.

Repic

Un Païs es una droleta
Lei gautas rojas de soleu,
Lei peus emportats per l’aureta,
Lei braçs cargats d’esparganèus.

Un Païs es un òme libre
De parlar e de restar drech
Come es escrich dedins lo libre,
Lo libre universau dei drechs.

Repic

Un Païs es l’aucèu que canta
Sus l’aubre de la Libertat.
Que canta, canta e que recanta
Sus l’èr de la Fraternitat.

Quand vèn lo dilun de Pasca
Marià sòrt sa Yamahà.
Carga sei bòtas e son casco
E puei se’n vai …

Legir tot

Quand vèn lo dilun de Pasca
Marià sòrt sa Yamahà.
Carga sei bòtas e son casco
E puei se’n vai pinicar.
Per pas èstre tròp soleta
Passa cercar lo Jakí,
’Queu que vend de mobiletas
E de mòtòs Wasakí.

E li ditz : Jakí siás dejà ’quí ’mé ta Kawasakí ?
Me vaquí, me vaquí...
E li ditz : "Jakí, que fas aquí, ’mé ta Kawasakí ?
Siam partits mon quiquí."

Marià sembla una gazèla
Que pesa mai d’un quintau.
Imaginatz-vos la sèla
Quand passa dedins lei traucs !
Son amic Jakí l’arrèsta
Li ditz : "Fai ben atencion",
Come ne’n fai qu’a sa tèsta
Fai petar la suspension.

E li fai : "La Marià de que i a mai a ta Yamahà ?
De que i a que vai pas ?"
E li fai : "La Marià de que i a mai a ta Yamahà ?
Fau i anar, fai tirar !

Lo Jakí demara en tromba
E vai quèrre son Papet
Lo vièlh li ditz : "Anem bomba !"
E Marià li tèn pas pè.
La mòtò de Jakí tuba
E fai tussir lo Papet
Talament lo vièlh s’estuba
Que n’avala son dentier.

E li ditz : "Me fas tussir ’mé ta Kawasakí
Siáu flaquit, siáu flaquit.
E li ditz : "Jakí me fas tussir ’mé ta Kawasakí.
Mai tant pís siam partits."

Lo capelan dau vilatge
Se’n vai a pè pinicar.
Vaquí Marià de passatge
Que lo prega de montar,
Dessus son porta-bagatges
Escala d’escambarlon.
Mai tre lo promier viratge
Tremola come un canon.

E puei fai : "La Marià de que i a mai a ta Yamahà ?
De que i a que vai pas ?"
E puei fai : "La Marià de que i a mai a ta Yamahà ?
Li fai ren, fai tirar."

Lo radar de la Poliça
A fònd lis a agantats.
Come avián lei ròdas lisas
Se son lèu fach empegar.
Jakí per rendre service
Raplica ’mé lo Papet
Que fai : "A bas la Poliça !"
Sot lo nas dau brigadier.

Marià ditz : "Jakí siás dejà ’quí ’mé ta Kawasakí
’Queste còp es finit."
Marià ditz : "Jakí siás dejà ’quí ’mé ta Kawasakí
Mon amic siam polits."

"Brigadier, se volètz saupre"
Li ditz lo brave curat,
"Lo Bòn Dieu es ’mé nos autre,
Riscam ren, siam segurats
"Mai alòr", ditz la poliça
"Siatz tres dessus la mòtò,
Siatz fotús, vos verbalise,
Se siatz tres, n’i a un de tròp.

E Marià, li fai mai : "De que i a mai a ma Yamahà ?
De que i a que vai pas ?"
La Marià, li fai mai : "De que i a mai a ma Yamahà ?
Qua pagalha es pas gai !"

Lo brigadier en colèra
Trata de tot la Marià.
Lo curat fai sa preguiera,
Jakí canta Avè Marià.
Lo Papet que disiá : "Nani",
Li dona enfin sei papiers,
Sa fòtò de capitani
De quand fasiá lo pompier.
Subran a respèct dau grade,
Lo brigadier vergonhós

Laissa tombar sa bofarda
E se planta au garda-a-vos.
Lo Papet li fai la nica
E ditz : "Se siam en retard
Tant pís per lo pica-nica,
Manjarem au snacke-bar."

E puei ditz : "Jakí vène un pauc ’quí ’mé ta Kawasakí
Fau partir lèu d’eicí."
E puei ditz : "Jakí vène un pauc ’quí ’mé ta Kawasakí
Siam partits mon quiquí."

Diga Janeta
Te vòs-ti logar ?
Larireta,
Diga Janeta
Te vòs-ti logar ?

Nani ma maire,
Me vòle maridar,
Larireta, …

Legir tot

Diga Janeta
Te vòs-ti logar ?
Larireta,
Diga Janeta
Te vòs-ti logar ?

Nani ma maire,
Me vòle maridar,
Larireta,
Nani ma maire
Me vòle maridar !

Prendrai un òme
Que sache lavorar,
Larireta,
Prendrai un òme
Que sache lavorar !

Foire la vinha
E segar lo prat,
Larireta,
Foire la vinha
E segar lo prat !

Tendrem botiga,
Vendrem de tabac
Larireta,
Tendrem botiga
Vendrem de tabac !

Cinc sòus lo roge
Dotze lo muscat
Larireta,
Cinc sòus lo roge
Dotze lo muscat !

Diga Janeta
Te vòs-ti logar ?
Larireta.
Prendrai un òme
Que sache lavorar,

Nani ma maire
Me vòle maridar,
Larireta,
Foire la vinha
E segar lo prat !

Diga Janeta
Te vòs-ti logar,
Larireta,
Diga-Janeta
Te vòs-ti logar ?

Nani ma maire
Me vòle maridar,
Larireta,
Nani ma maire
Me vòle maridar !

Diga-me un pauc, Papet,
Come as fach per venir vièlh ?
E s’es verai, mon Papet,
Qu’un bèu jorn serai …

Legir tot

Diga-me un pauc, Papet,
Come as fach per venir vièlh ?
E s’es verai, mon Papet,
Qu’un bèu jorn serai parèlh ?
Diga-me un pauc, Papet,
Perqué tei peus an tombat ?
E perqué tei paurei pès
Te pòdon plus suportar ?
Diga-me un pauc, Papet,
Se leis ans fan venir vièlh ?
Tu que n’as setanta-sèt
E ieu que n’ai tot juste sièis .

Vaquí pichòta Babet
Come me siáu fach Pepèi .
As que comptar sus tei dets,
Un, dos, tres, quatre, cinq, sièis.
Lèu-lèu viron lei minutas,
Lo relotge buta-buta.
Lei minutas fan leis oras,
Leis oras, ansin, fan lei jorns,
Lo relotge ditz « Bònjorn! »,
E puei lei jorns fan lei mes,
Lo relotge fai tres-tres .
E lei mes fan leis annadas,
Lo relotge bada-bada .
Enfin d’annada en annada
Joinessa s’es enanada...

Diga-me un pauc, Papet,
Come as fach per venir vièlh ?
E s’es verai, mon Papet,
Qu’un beu jorn serai parèlh ?
Diga-me un pauc, Papet,
Perqué tei dènts an tombat ?
E perqué tei paurei dets
Fan que de tremolejar ?
Diga-me un pauc, Papet,
Se leis ans fan venir vièlh ?
Tu que n’as setanta-sèt
E ieu que n’ai tot juste sièis .

Vaquí pichòta Babet
Come me siáu fach papet,
Come d’annada en annada
Joinessa s’es enanada...

Siáu anat cercar Marieta
Per la fèsta dau Roret.
Talament qu’èra contenta
Sautava autant qu’un grilhet.

R. Leva, leva, leva …

Legir tot

Siáu anat cercar Marieta
Per la fèsta dau Roret.
Talament qu’èra contenta
Sautava autant qu’un grilhet.

R. Leva, leva, leva la camba.
Leva, leva, leva lo pè (bis).

Siam partits ‘mé la Marieta
Sus lo camin dau Roret.
I ai dich : « Fasem lèu filheta,
Arrivarem lei promiers ».

Quand siam estats ‘mé Marieta
Dedins lo bòsc dau Roret
L’ai agantada a braçeta
Per dansar lo menuguet.

Ai tant fach virar Marieta
Que son cotilhon sovent
Fasiá veire sei braietas,
Tot lo monde èra contents.

Marieta èra risoleta
E ieu n’ère tot colhon.
Tot en fasènt l’escobeta
I ai escrachat leis arpions.

Dempuei me fai la fonheta,
Siáu maluros com’un pet.
Per que siegue risoleta
Li farai un potonet.

Dins vint ans se fan mai fèsta
Dedins lo bòsc dau Roret,
Segur sarem totjorn lèstes
Mai dansarem lo reggae.

Dins lou bouas de la coumuno
Iéu garde lei moutou.
Iéu garde lei moutou, bergeiro jueineto.
Iéu garde lei moutou, …

Legir tot

Dins lou bouas de la coumuno
Iéu garde lei moutou.
Iéu garde lei moutou, bergeiro jueineto.
Iéu garde lei moutou, bergeiro d’amour.

Mai ièu n’en garde pas gaire,
N’en garde qu’un vou dous.
N’en garde qu’un vou dous, bergiero jueineto.
N’en garde qu’un vou dous, bergiero d’amour.

E pèr moun troupèu defendre,
N’ai ni fouet, ni bastou.
N’ai ni fouet, ni bastou, bergeiro jueineto.
N’ai ni fouet, ni bastou, bergiero d’amour.

Iéu, n’ai que ma coulougneto,
Pèr me para dóu loup.
Pèr me para dóu loup, bergiero jueineto.
Pèr me para dóu loup, bergiero d’amour.

Mai garde jamai souleto,
N’en garde ‘m’un pastrou.
N’en garde ‘m’un pastrou, bergiero jueineto.
N’en garde ‘m’un pastrou, bergiero d’amour.

Pièi à chasco revirado
Me demando ‘n poutou,
Me demando ‘n poutou, bergiero jueineto.
Me demando ‘n poutou, bergiero d’amour.

Coumo iéu noun siéu ingrato,
Li dise : « Fai m’en dous ».
Li dise : « Fai m’en dous », bergiero jueineto.
Li dise : « Fai m’en dous », bergiero d’amour

1 - Per aqueu qu’a tròp set, dona-li de ton beure,
E per ‘queu qu’a tròp fam, dona-li de ton …

Legir tot

1 - Per aqueu qu’a tròp set, dona-li de ton beure,
E per ‘queu qu’a tròp fam, dona-li de ton pan.
Per ‘queu qu’a ren de ren, dona-li ‘n pauc per viure,
E per ‘queu qu’es solet, dona-li ‘n pauc la man.

R- ‘Queu que vòu pas donar sara abandonat.
Alòr, tu pòs donar e tant pis per aqueu,
E tant pis per aqueu, ‘queu que donariá pas
Pas meme la merda que li tomba dau quieu !

2 - Per aqueu que saup plus, dona-li ta paraula,
E per ‘queu qu’es preissat, dona-li ‘n pauc de temps.
Per ‘queu qu’a ges d’ostau, duèrbe-li ta cadaula,
E per ‘queu qu’a tròp mau, dona-li fòrça ben.

3 - Per aqueu qu’es tristàs, dona-li ‘n pauc de jòia,
E per ‘queu qu’a tròp freg, dona-li de calor.
Per ‘queu que ne’n pòu plus, dona-li ‘n pauc de vòia,
E per ‘queu qu’es perdut, dona-li ‘n pauc d’amor.

L’autre jour me passejave (bis)
D’Avignoun à Carpentras,
Lèri, lèri, lèri.
D’Avignoun à Carpentras,
Lèri, lèri pas.

Rescountrère douas fourmigo …

Legir tot

L’autre jour me passejave (bis)
D’Avignoun à Carpentras,
Lèri, lèri, lèri.
D’Avignoun à Carpentras,
Lèri, lèri pas.

Rescountrère douas fourmigo (bis)
Que pourtavon lou gousta,
Lèri, lèri, lèri.
Que pourtavon lou gousta,
Lèri, lèri pas.

L’adusien en douas limaço (bis)
Que lauravon lou roucas,
...Lou bouié que li menavo
Li sabié pas bèn mena,
...Quouro n’an fini la rego
L’an samena d’argelas !

N’a’speli tres bèlli roso,
N’a sourti tres bèlli fiho,
Sus un óulivié cura,
Lèri, lèri, lèri.
Lis as tóutis espousa,
Lèri, lèri pas.

S’es plus vist tant bèlli noço (bis)
D’Avignoun à Carpentras,
Lèri, lèri, lèri.
D’Avignoun à Carpentras,
Lèri, lèri pas.

Se me demandatz d’onte vène vos dirai :
« Dau païs monte siáu nascut, eilai, eilai… »
Eilai, ai vist …

Legir tot

Se me demandatz d’onte vène vos dirai :
« Dau païs monte siáu nascut, eilai, eilai… »
Eilai, ai vist lo parpalhon de junh, de junh,
Dejunar d’un degot pipat dins una flor.
Eilai, lei rocàs son gigants, tot blancs, tot blancs,
Tot blanchits per lo fuòc dei solèus de julhet.
Eilai, la bauca a mai sofert de set, de set,
De secaressa e dei calorassas d’avost.

Se me demandatz d’onte vène vos dirai :
« Dau païs monte siáu nascut, eilai, eilai… »
Eilai, lo pin morirà pas se tèn, se tèn,
Setèmbre i adurrà lei raissas e la frescor.
Eilai, otòbre es bofat per lo vent, lo vent,
Lo Ventor pren son capèu de pèu de moton.
Eilai, novembre adutz lo sang divin, divin,
Dei vins que fan virar lo sang pur dei jovents.

Se me demandatz d’onte vène vos dirai :
« Dau païs monte siáu nascut, eilai, eilai… »
Eilai, ausissèm l’aucèu que descend, descend,
Desembre fai fugir de sei fres frejoluns.
Eilai, sabèm que l’amellier polit, polit,
Polidament fai de flors au mes de janvier.
Eilai, leis ivèrns fan lusir la nèu, la nèu,
L’anèu de lutz entorn dei lunas de febrier.

Se me demandatz d’onte vène vos dirai :
« Dau païs monte siáu nascut, eilai, eilai… »
Eilai, blesinha un pauc au mes de març, de març,
De margaridetas envaïssan lei draiòus.
Eilai, l’agrofionier florís pertot, pertot,
Pertocant lo còr viu deis amourós d’abrieu.
En mai, lei matins son clafits de patz, de patz,
De passion qu’esbleugissan leis uelhs deis enfants.

Se me demandatz onte me’n vau, vos dirai :
« Au païs … »