Li estela soun bèn clari
Lou soulèu enca de mai
Li estela, li estela
Li estela soun bèn clari,
Lou …

Legir tot

Li estela soun bèn clari
Lou soulèu enca de mai
Li estela, li estela
Li estela soun bèn clari,
Lou soulèu enca de mai.

Ma lu uelh de la miéu bella
Soun encara plus ardént
Ma lu uelh, ma lu uelh
Ma lu uelh de la miéu bella
Soun encara plus ardént.
D’oun t-en vas pichina fouola ?
L’autre sera t’aven vista
En campagna, en campagna
En campagna sus l’erbeta
Tres cassaire auprès de tu .
Era l’oumbra de la luna
De cassaire n’i èra pas
Era l’oumbra, era l’oumbra
Era l’oumbra de la luna
De cassaire n’i èra pas .

Di roumanin, entre li mato,
A flour de roco, un trau s’acato.
Alin dedins, despièi que lou Sant Angelus,
En …

Legir tot

Di roumanin, entre li mato,
A flour de roco, un trau s’acato.
Alin dedins, despièi que lou Sant Angelus,
En l’ounour de la Vierge,
En l’ounour de la Vierge,
Alin pico lou brounze clar di baselico,
Alin dedins li fado antico,
Pèr toustèms, dóu soulèu an fugi lou trelus.

Esperitoun plen de mistèri,
Entre la formo e la matèri
Erravon, au mitan d’un linde calabrun.
Diéu lis avié fa mié-terrèstre
E femenin, coume pèr èstre
L’amo vesiblo di campèstre
E pèr di proumiés ome amansi lou ferun.

Mai li Fadeto, bèu coume èron,
Di fiéu dis ome s’aflamèron;
E li foulasso! En-liò d’enaura li mourtau
Vers li celèstis esplanado,
Di passioun nostro apassiounado,
A nosto fousco destinado,
Coume d’aucèu pipa toumbèron,
Coume d’aucèu pipa toumbèron
D’amoundaut..

Nous sommes des danseurs de farandole
Et dans le monde entier c’est notre rôle
Faire connaître à tous "noste terraire" …

Legir tot

Nous sommes des danseurs de farandole
Et dans le monde entier c’est notre rôle
Faire connaître à tous "noste terraire"
Voici venir li gai farandoulaire

Nous aimons tous chanter, danser et rire
Communiquer la joie et surtout dire
Que nous voulons rester "dins lou terraire"
Voici venir li gai farandoulaire

Lorsque le soir venu, après la fête
Plein de beau souvenirs dans notre tête
Nous regagnons heureux "noste terraire"
Nous sommes fiers di gai farandoulaire

Revenen de la vilo
m’an touti sadoula
reviéure dificilo
vène de regoula

Cresiéu que li lume jamai me cremavon
aro …

Legir tot

Revenen de la vilo
m’an touti sadoula
reviéure dificilo
vène de regoula

Cresiéu que li lume jamai me cremavon
aro me counsume patisse mai que tron…
me siéu enmantela
d’un vèsti belugejan
au pougnet mostro en or
au det anèu d’argent

Mau-grat tout mis esfort
per faire lou galant

Un gòto de limonada
Doi mòts que si dion pas
Lo temps es dja passat
Lo temps es troup pressat …

Legir tot

Un gòto de limonada
Doi mòts que si dion pas
Lo temps es dja passat
Lo temps es troup pressat
Un regard a tot ara
Es l’ora de se’n anar
Revendra a maion encar un cop

La vida es ensinda
S’en bate li tantiflas
Dei mariotas que viran
Dins la nòstra comedia
La vida es ensinda
Passa e li jetta
Li mariotas que viran
Dins la nòstra comedia

L’abituda es crudela
A gust d’eternita
Fa venir invisible
Lu gens dau cada jorn
Lo fem jamai espressi
De far ponher lu uélhs
Vitimes d’indiferença
D’un soguinhe moc

REPIC
La pelicula s’acaba
Lo film sòna lo clar
Lu eròes s’arrestan
Sensa t’enavisar
As jamai tròup de temp
Eu finda s’anequelisse
Per regardjar lu tieu
Per dire vi aimi

Un e dous e tres e quatre
Lou coucu te fara batre
Cinq e sièis e sèt e nòu
Sarai …

Legir tot

Un e dous e tres e quatre
Lou coucu te fara batre
Cinq e sièis e sèt e nòu
Sarai batu emai l’iòu.

Trapat sus www.zictrad.free.fr.

Li pastourèu
An fa uno assemblado.
Li pastourèu
An tengu lou burèu ;
Aqui chascun a di sa rastelado,
E …

Legir tot

Li pastourèu
An fa uno assemblado.
Li pastourèu
An tengu lou burèu ;
Aqui chascun a di sa rastelado,
E s’es counclu, la paraulo dounado.
D’ana, d’ana
Vers lou pichot qu’es na.

Tóutis ensèn
Se soun mes en campagno,
Tóutis ensèn
Em’un fort marrit tèms.
Es bèn verai que li gènt di mountagno
Soun fa à tout, crègnon rèn la magagno;
S’en van, s’en van,
E laisson si caban.

Coume faran
Pèr noun senti la biso ?
Coume faran ?
Crese que periran.
Toui sis abit soun que de telo griso.
Soun tout trauca, ié veson la camiso ;
Li trau, li trau,
Tènon pas gaire caud.

Nòsti pastras
A tres ouro sounado,
Nòsti pastras
Arribon dins lou jas.
Lou capèu bas e la tèsto courbado,
Van, tout courrènt, saluda l’acouchado
E fan, e fan
La coulado à l’Enfant.

Laisson au sòu
Dous o tres bon froumage.
Laisson au sòu
Uno dougeno d’iòu.
Jóusè ié dis : Fasès que fugués sage,
Tournas-vous en, e fasès bon vouiage !
Bergié, bergié,
Prenès vòsti coungié.

I aviá set òmes penjats
qu'èran pas que de jovènts
I aviá set òmes penjats
qu'escotan bufar lo vant
I …

Legir tot

I aviá set òmes penjats
qu'èran pas que de jovènts
I aviá set òmes penjats
qu'escotan bufar lo vant
I aviá set òmes penjats
qu'èran pas que de jovènts.

I a de cambas set parèus
que balavan dins lo vent
I a de cambas set parèus
que van dins lo vent dolent
I a de cambas set parèus
que balavan dins lo vent.

I a set ombras sot lo pont
dintre lo soleu movent
I a set ombras sot lo pont
qu'an vergonha dins lo vent
I a set ombras sot lo pont
dintre lo soleu movent.

I aviá set òmes penjats
qu'èran pas que de jovènts
I aviá set òmes penjats
qu'escotan bufar lo vant
I aviá set òmes penjats
que van dins lo vent dolent.

Soka bati dilindan
zazpi gazte zalantzan
soka bati dilindan
haizearekin menpaean
soka bati dilindan
zazpi gazte balantzan

Zazpi zango bikote …

Legir tot

Soka bati dilindan
zazpi gazte zalantzan
soka bati dilindan
haizearekin menpaean
soka bati dilindan
zazpi gazte balantzan

Zazpi zango bikote
haizearekin dantzan
zazpi zango bikote
haize marruman joan
zazpi zango bikote
haizearekin dantzan

Zazpi itzal zubipean
ilunabarekoan
zazpi itzal zubipean
lotsadunak enbatan
zazpi itzal zubipean
ilunabarekoan

Soka bati dilindan
zazpi gazte zalantzan
soka bati dilindan
haizearen menpean
soka bati dilindan
ilunabarekoan

Li plus sage
Dóu vesinage,
Li plus sage
E li plus fin,
Fan entèndre
Que divèndre,
Lou Fiéu de Diéu …

Legir tot

Li plus sage
Dóu vesinage,
Li plus sage
E li plus fin,
Fan entèndre
Que divèndre,
Lou Fiéu de Diéu es na de grand matin ;
Que sa Maire
L’es ana faire
Dins un estable
Sus lou grand camin.

Iéu vous quite
Pèr i’ana vite,
Iéu vous quite
E pièi m’en vau
Pèr ié dire
(Mai sèns rire)
Sourtès d’eici car iéu tramble de pòu,
Que l’estable
Noun vous acable,
Car li muraio van tóutis au sòu.

La vesprado
Mau fourtunado,
La vesprado
D’un jour fort bèu.
La maliço
D’un aurige
Me ié faguè enclaure moun troupèu ;
Tout un caire
Toumbè pecaire !
E m’enterrè toui mi pàuris agnèu.

L’esperiènço,
Que passo sciènço,
L’esperiènço
De ço qu’ai vist,
Es la causo
Que sèns pauso,
Ai courregu vous dire moun avis.
Moun daumage
Vous rendra sage,
Belèu creirès un de vòstis ami.

Me ravise
E me desdise,
Me ravise
De moun prepaus :
Ma pensado,
Mau riblado,
Me farié lèu passa pèr un badau.
Fau rèn cregne,
Car Noste Segne
Li gardara segur de prendre mau.

N'i a que dison toujour de nautre
Sèns saupre de nosto vido :
"Auéli gènt, fan que dourmi,
Coume de …

Legir tot

N'i a que dison toujour de nautre
Sèns saupre de nosto vido :
"Auéli gènt, fan que dourmi,
Coume de limbert au soulèu".

Refrin :
Vène un pau dins nòsti restanco,
Vène un pau dourmi'mé nautre ;
Vène un pau dins nòsti restanco,
Vène un pau ié dourmi.

Veiras uno terro que douno
Pas tant de blad que de clapas,
E se vos que siegue bagnado,
Fau que i'adugues ta susour.

Refrin

S'acò t'agrado de li vèire,
Ié faren toui la meridiano,
La faren à còp de magau,
Que n'en avèn à te presta.

Refrin

Mai sian segur que vendras gaire,
E que diras coume as fa sèmpre :
"Aquéli gent, fan que dourmi,
Coume de limbert au soulèu".

Refrin (bis)

1-Dòs candèlas un pauc tremolantas
Donavan l’èr de s’esvalir.
Per còp d’asard, tota pimpanta,
Passèt per aquí Magalí.

2-Mai la …

Legir tot

1-Dòs candèlas un pauc tremolantas
Donavan l’èr de s’esvalir.
Per còp d’asard, tota pimpanta,
Passèt per aquí Magalí.

2-Mai la promiera candeleta
Tot en parlant sens embarràs,
Diguèt lèu a Magalineta :
« Ieu, siáu lo lume de la Patz ».
Piei diguèt : « Lis òmes e li femas
Fan ren que de m’estrepassar.
Siáu ben malauta e belèu mema
Que siáu en trin de trepassar ».

E autant lèu, Magalineta
Veguèt trepassar lo flambèu
De la pichòta candeleta
Acabada a còps de cotèu.

3-Una segonda candeleta
Li diguèt plena de doçor :
Escota un pauc, Magalineta,
Ieu siáu la flama de l’Amor.
A-cha-pauc, lis òmes e li femas
Fan ren que de m’estrigossar.
Siáu ben malauta e belèu mema
Que siáu en trin de m’amossar ».

E autant lèu, Magalineta
Veguèt s’amossar lo calèu
De la pichòta candeleta,
Lo còr macat per li bacèus.

4- Dau temps que la Patz trepassava,
Magalineta a implorat.
Dau temps que l’Amor s’amossava,
Magalineta a tant plorat
Qu’alòr de tota sa brilhança,
Una autra lutz li diguèt : « Ieu,
Ieu siáu lo fiòc de l’Esperança,
Mon lume totjorn sara viu ».

E autant lèu Magalineta
Agantèt la lutz de l’Espèr
E ravivèt li candeletas
De Patz, d’Amor a còr dubert