Se de bòn matin començe ma rima
Es qu’un desidèri uèi me rima
Ai un fuòc de sant Joan dins …

Legir tot

Se de bòn matin començe ma rima
Es qu’un desidèri uèi me rima
Ai un fuòc de sant Joan dins la peitrina
E i a sonque la musica que m’apasima
Brami ais estèlas l’amor que devinhan
As poscas d’endacòm la luna chima…

Siatz tan polidas que mi monta lo pantais
Siatz tan polidas que ne’n vòli totjorn mai…

50000 vèrs en Occitan
Tan coma de lumes parpelejant
Agachi passar lei jorns que s’encalant
Mi fan creísser dins lo cabestran
Una enveja prigonda un ruscle gigant
De que ti faire manjar tot lo pesquier grand…

Repic.

Es pas que l’espaci ven a me mancar
Mai ne pòde pas pus e voldriái bufar
es que ton solèu jamai s’arrestarà
Vira que vira e totjorn virarà
Mai ieu de tròp dançar, tan vau tombar
Basta que me sobra fuelh, pluma e trobar…

Repic.

Vaquí qu’acabi la mieuna cançon
Un pauc de ton chale sus la version
E se n’ai fach de tròp demandi perdon
Mai teis uelhs son gotas de per amont
N’i aurà per dire qu’ai perdut rason
M’en bati que l’embruni sèrva ton nom…

Repic.

Aviá la pichòta vinha mai polida del canton
L’aimava coma sa filha es aquò d’esser vinhairon
Quand arranquèt totas las …

Legir tot

Aviá la pichòta vinha mai polida del canton
L’aimava coma sa filha es aquò d’esser vinhairon
Quand arranquèt totas las socas los uòlhs coflats de tant de plors
La sang de sas mans grafinhadas èra vin de socas d’amor

Pichòta vinha polit rasim dansa la trelha raja lo vin
La vida es corta lo camin long aquò’s la ròda de las sasons

Deman de matin a sieis oras nos vendran querre per partir
Farem la festa dins la vinha tota la nuòch òc Magali
Metrem la taula e las candèlas ta rauba verda de velòs
Nos aimarem deman a l’auba coma s’èra lo premièr jorn

Vaquí l’Esteve e son cigarro ven aquí siás lo benvengut
Manja un mossel pren-te un seti parlarem quand aurem begut
Jogatz musicians e cantaires tot lo vilatge es convidat
Deman venon los profitaires e lo tonèl l’aurem voidat

A l’auba totes dos s’aimeron tot lo vilatge èra present
Quand los gendarmes arriveron lo solelh éra naissent
Cadun sentissiá la colera cada man sarrava una man
E un silenci grand cridava çò que segur seriá deman