Au reng deus bienurós, que'n son las joenas filhas.
Las qui an dus aimadors
Que'us complàsen a tots
Dab lurs …

Legir tot

Au reng deus bienurós, que'n son las joenas filhas.
Las qui an dus aimadors
Que'us complàsen a tots
Dab lurs beròis efèits
Que'us renden satisfèits.

L'ua d'aqueste endret, dus galans la cortisan.
L'un qu'ei de condicion,
L'agrada a sa faiçon
Enqüera qu'a fiançat
Dab un aute gojat

Sa mair que'u ditz tostemps : "on vas tu la mea hilha ?
- Ma mair, n'ajatz chegrin
Quand no'm veiratz ací
D'aci t'aciu darrèr
Bissé no'm perderè."

Era se'n va trobar son galant domestica.
Que't soèti lo bon ser
Si va plan qu'ei plaser.
Lo men còr qu'ei content
De't véder ací présent

Diga-m la mea amor, si tu n'èras fiançada,
Jo b'ac aurí cregut,
Còr qui m'as prometut
L'amor de l'interior
Que non èra que tà jo.

Si te'n prenés a jo, serés cabaretièra ;
Harem córrer l'argent
E víver alègrement,
Non pas darrè'u bestiar
Quauque còp mau passar.

- Lo paisan m'a promés de me'n har ua filosa.
Miralhs j'averà au cap,
Estanh de tot costat,
Tatchetas de leiton
Heit tà l'admiracion.

- Si te'n prenés a jo, en cadièra seguda
Hielar deu ton plaser
Deu matin dinca'u ser
Husèus non mancaràs
Jo be te'n saurèi har.

Si te'n prens lo paisan, seràs tostemps dehòra,
Au hred, a la calor,
Au mulhat, a l'arrós,
E préner hòrt sovent
Quauque gran gelament

Aqueth Joan de paisan, segut sus la banqueta,
E't soviés l'aute ser
Uei non j'a pas un mes,
En d'aceth velhader
Non sabè diser arren.

Au reng deus bienurós que’i son las joenas filhas,
Las qui an dus aimadors ;
Que’us complasen a tots,
Dab …

Legir tot

Au reng deus bienurós que’i son las joenas filhas,
Las qui an dus aimadors ;
Que’us complasen a tots,
Dab lurs beròis efèits
Que’us renden satisfèits.

Ò còr de borrèu se son tòrtas
Meis esquinas, es en trabalhant
Que m’es vengut, se son mens fòrtas
Meis …

Legir tot

Ò còr de borrèu se son tòrtas
Meis esquinas, es en trabalhant
Que m’es vengut, se son mens fòrtas
Meis esptlas e s’en trantalhant
M’en vau, es vòstrei machinas
Que m’an gibat, escagassat
Rendut mei cambas robinas,
Es tot lo bèu temps qu’ai passat
Dins vostreis usinas maudichas
Onte ai laissat ma carn, mon sang
Anem obrier, zo ! Laura ! Quicha,
Puei après crebaràs de fam.
Ansin Tonin coneisses l’us
Ara que li siás au sanctus
L’as tocat ambé la man, la plaga,
Alòr disiáu donc verai.

Au sòu, serem aüros sus tèrra.

Ara mi diràs plus bessai
-"Taisa-ti Joan que diés de blagas."
Quand ti disiáu que son de canalhas
De nita, son de sensa entralhas
An una pèira en plaça de còr
Lei patrons, mi disiás : "Renaire
Dins lo monde viés que de laires
De gosta-solets ambé de pòrcs.

Au sòu, serem aüros sus tèrra.

-"Vengues pas negre mon amic
Per renar ta lenga es tròp lèsta
Vai, ti montes pas ansin la tèsta"
-"Aviáu-ti rason, diga-mi,
E tant que l’aurà deis obriers
Ambe dei patrons serà parier
Mai quand l’obrier un pauc mens gornau
Garçarà lo mèstre brutau,

Au sòu, serem aüros sus tèrra.

Au ton coenh, qu’as un riban blanc
Blanc com nèu au sorelh levant,
Bèra hialaira, bèra hialaira,
Qui hialas deu …

Legir tot

Au ton coenh, qu’as un riban blanc
Blanc com nèu au sorelh levant,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que’n cau ua pèlha entà abilhar,
La mainada qui vam batejar.

Au ton coenh, qu’as un riban blu,
Blu com hlor deu lin madur,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que’n cau quan se mariderà,
Ua camisa nava a’s botar.

Au ton coenh, qu’as un riban rotge,
Rotge com l’auba quan i a ploja,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que caderà quan plorirà,
Un mochoèr ende s’eishugar.

Au ton coenh, qu’as un riban nègue,
Nègue enqüera mei qu’un tròç de pèga,
Bèra hialaira, bèra hialaira,
Qui hialas deu matin au sèr,
Ditz me perqué ?

Vira husèth, vira, vira,
Deu matin au sèr, vira, vira,
Que caderà quan morirà,
Un linçòu ende s’enterrar.

Au ton cuenh qu’as un riban blanc
Blanc coma nèu al solelh levant
Bela fialaire bela fialaire
Que fialas dau …

Legir tot

Au ton cuenh qu’as un riban blanc
Blanc coma nèu al solelh levant
Bela fialaire bela fialaire
Que fialas dau matin au sèr
Di-me perque
Vira fusèu vira vira
Dau matin au sèr vira vira
Que cau una pelha per habilhar
La mainada que van batiar.

Au ton cuenh qu’as un riban blu
Blu coma flor dau lin madur
Bela fialaire bela fialaire
Que fialas dau matin au sèr
Di-me perque
Vira fusèu vira vira
Dau matin au sèr vira vira
Que cau quand se maridarà
Una camisa nòva a se botar

Au ton cuenh qu’as un riban roge
Roge coma l’auba quand i a de plueje
Bela fialaire bela fialaire
Que fialas dau matin au sèr
Di-me perque
Vira fusèu vira vira
Dau matin au sèr vira vira
Que caudrà quand plorarà
Un mocador per s’echugar.

Au ton cuenh qu’as un riban negre
Negre encara mai qu’un tròç de pegue
Bela fialaire bela fialaire
Que fialas dau matin au sèr
Di-me perque
Vira fusèu vira vira
Dau matin au sèr vira vira
Que caudrà quand morirà
un lençèu per l’enterrar.

Au ton cuenh qu’as un riban blanc
blanc coma nèu au solèu levant
bela fialaira bela fialaira que fialas daù …

Legir tot

Au ton cuenh qu’as un riban blanc
blanc coma nèu au solèu levant
bela fialaira bela fialaira que fialas daù matin au sèr di-me perque
vira fusèu vira vira daù matin au ser vira vira
que cau una pelha per habilhar
la mainada que van batiar

Au ton cuenh qu’as un riban blu
blu comma flordaù lin madur
bela fialaira bela fialaira que fialas daù matin au sèr di-me perque
vira fusèu vira vira daù matin au ser vira vira
que cau quand se maridarà
una camisa nòva a se botar

Au ton cuenh qu’as un riban roge coma l’auba quand i a de plueje
bela fialaira bela fialaira que fialas daù matin au sèr di-me perque
vira fusèu vira vira daù matin au ser vira vira
que caudrà quand plorara un mocador per s’echugar

Au ton cuenh qu’as un riban negre negre encara mai qu’un troç depeque
bela fialaira bela fialaira que fialas daù matin au sèr di-me perque
vira fusèu vira vira daù matin au ser vira vira
que caudrà quand morira un lincèu per l’enterrar

Deu vente de l'avion parpalhon
Shisclan los ueus
Esbrigalhantas bombinetas
Esbrecantas , bom !

Arroganhar e horadar
E cussoar caulets …

Legir tot

Deu vente de l'avion parpalhon
Shisclan los ueus
Esbrigalhantas bombinetas
Esbrecantas , bom !

Arroganhar e horadar
E cussoar caulets

La vaca arromeguè
brigalhas suu caulet
Vaca arromegaira de caulet
La vaca arromeguè
brigalhas suu caulet
Cussoè la pança dab caulet

Qu'èi mau, qu'èi mau...

Repic :
Aussau, mas amoretas
Aussau, jo me n’i vau.

Au verdurèr jo me n’entrèi (bis)
Très arrosetas m’i trobèi. …

Legir tot

Repic :
Aussau, mas amoretas
Aussau, jo me n’i vau.

Au verdurèr jo me n’entrèi (bis)
Très arrosetas m’i trobèi.

Très arrosetas m’i trobèi (bis)
Que las copèi, que las liguèi.

Que las copèi, que las liguèi, (bis)
A mas amors, enviat las èi.

A mas amors, enviar las hèi, (bis)
Mes qui serà lo messatgèr ?

Mes qui serà lo messatgèr ? (bis)
La calandreta o l’esparvèc ?

La calandreta o l’esparvèc ? (bis)
La calandreta ei cap-leugèr

La calandreta ei cap-leugèr (bis)
E l’esparvèc tròp mensonger

E l’esparvèc tròp mensonger (bis)
Jo medishet las portarèi.

Aciu que sò, seiguda en mèn fautulh mentre les veigui volar.
M’ei igual a on vagen a parar, vieràn de …

Legir tot

Aciu que sò, seiguda en mèn fautulh mentre les veigui volar.
M’ei igual a on vagen a parar, vieràn de nets a dromir.
Eth mèn cap, eth milhor des nins que jamès agen pogut trapar.

Era patz que tant demane tanta gent, de còp, semble qu’a arribat.
Tan lèu è vist que non me pogui equivocar,
que vire eth mon igual qu’es nòsti caps.

Cada vèrs un audèth, cada audèth hèt un vèrs,
laguens des nòsti caps!

Coma era aigua que s’escor e non demane qué i aurà mès enlà.
De nau voi desvelhar en un prat e sense ròba e a plaser, caminar.

Formen part deth mèn entorn es ores que hí a pèrder damb tu.
Eth temps non pare d’auançar e auem es uassi banhats ena pòur de qu’un bon dia acabe tot!

Acabe tot....
Laguens des nòsti caps!

Eth sòn cant, eth major plaser que jamès aja pogut trapar!
Eth mèn cap, eth milhor des nins que jamès agen pogut trapar!

Eth sòn cant, eth major plaser que jamès aja pogut trapar!
Eth mèn cap, eth milhor des nins que jamès agen pogut trapar!

Auèi dimenge
Pesolh de penche
Penche de calve
Cal que se salve
Salvat dou pèl
Sauta dins lo cèl
Lo …

Legir tot

Auèi dimenge
Pesolh de penche
Penche de calve
Cal que se salve
Salvat dou pèl
Sauta dins lo cèl
Lo cèl en colèra
Cai sus la tèrra
La tèrra qu’es flaca
Cai dins la laca
La laca prigonda
S’acaba lo mond !

Augan i a un pastor qui a marchandat ua anhèra,
Pendent la sason bèra com la flor.
Quan cregó lo …

Legir tot

Augan i a un pastor qui a marchandat ua anhèra,
Pendent la sason bèra com la flor.
Quan cregó lo marcat hèit,
Autanleù qu’estó deshèit,
Shens saber, ni l’un ni l’aute,
La causa deu hèit.

Be l’an fin lo nas, las doças anheretas !
Abans de quitar lo lor cujalar.
Vòlen véder lo pastor,
Dab lo salièr e lo baston,
Ensenhà’us de grans careças
E dà’us hèra aunor.

Mos de Condurat, de grana coneishença,
Qu’a plan marchandat, puish que s’a crompat
Ua anhèra com un lugran,
Segonda en son cledat,
Un aulhèr de l’arribèra
L’a vienguda enlhevar.

Avisatz-v’i plan, pastors de la contrada !
Si’n cadetz d’acòrd, contractatz d’abòrd.
Si’n datz arras solaments,
Per quauques engatjaments,
Cèrtas jo gausarí créder
Que’n seratz perdents.

Augan i a un pastor qui a marchandat ua anhèra,
Pendent la sason bèra com la flor.
Quan cregó lo …

Legir tot

Augan i a un pastor qui a marchandat ua anhèra,
Pendent la sason bèra com la flor.
Quan cregó lo marcat hèit,
Autanleù qu’estó des.hèit,
Shens saber, ni l’un ni l’aut,
La causa deu hèit.

Be l’an fin lo nas, las doças anheretas !
Abans de quitar lo lor cujalar.
Vòlen véder lo pastor,
Dab lo salièr e lo baston,
Ensenhà’us de grans careças
E dà’us hèra aunor.

Mos de Condurat, de gran coneishença,
‘Près aver crompat e plan marchandat,
Ua anhèra com un lugran,
Segonda en son cledat,
Un aulhèr de l’arribèra
L’a vienguda enlhevar.

Avisatz-v’i plan, pastors de la contrada !
Si’n cadetz d’acòrd, contractatz d’abòrd.
Si’n datz arras solaments,
Per quauques engatjaments,
Cèrtas jo gausarí créder
Que’n seratz perdents.