Sian din la luno
sian de la plano
sian di palun
que aspaturon la roubino

Sian de la crau
suto …

Legir tot

Sian din la luno
sian de la plano
sian di palun
que aspaturon la roubino

Sian de la crau
suto li apiho
au mitan de biou
que fasien coures rasire

Manadier
que fasien cousejado
passado lèu
per la carreireto

Aganta lèu
la coua de la bestio
que s’escapo
per la drailletto

Nostre èime
escarlimpa sus l’auro fresco
que sièu
la din lou cluso de vallongue

Ressourtissen
tout engrafouli
ressourtissen
tout engrafouli

Quan un soulèu de sang
abranda li salino
lou céu
rougeja de milo tencho

lou guigoulado
d'un gabian s'escavarta
din un silenci
que mourga l'infinido

Siau pas poeta
Cridi per de dire de cridar
Per besonh
Es pas pus temps d'èstre poeta
Nostras paraulas pochudas …

Legir tot

Siau pas poeta
Cridi per de dire de cridar
Per besonh
Es pas pus temps d'èstre poeta
Nostras paraulas pochudas agusadas
Prestas per crebar lei baranhas
N'avem pron d'esperar...
Ara e pas deman
Prendrem nòstre drech
Sota lo picar de totei lei politicas
Tustarem mai fòrt...
Nos an laissat nòstrei ponhs
Avem tròp esperat
Nos siam venduts foncionaris, obriers,
Nos tenon ambe son argent
Que volem pas lo perdre
Connerie
Vendem nòstre creire dau pretz de nòstra mesada
Avem pas lo corage de nos desencadenar...
Quora quitarem d'èstre poetas aliscats
Per viure la fòrça de nòstras paraulas.

Siáu viu
Emé lei mieu mans que bolegan tròup
Lo mieu morre descolorit
Li mieus artelhs de travèrs
Siáu viu …

Legir tot

Siáu viu
Emé lei mieu mans que bolegan tròup
Lo mieu morre descolorit
Li mieus artelhs de travèrs
Siáu viu
E se tremòli en camin
Se vos cuenti d’estrabòts
Siáu viu

Viu per beure un còup
Ti parlar
Ò mi corcar sus la tèrra
Viu per sentir l’esquiròtol
Mi roiar lo fetge
Viu per mi faire una fora de castanhas
Viu per lecar la tieu pèl
Passejar la mieu lenga
Subre la tieu esquina
Siáu viu

Siáu viu
Pòdes m’asperar al canton del cementeri
Pintar de negre lo jorn que ven
Siáu viu
E se mi fau una fora de rire
Esclapi lo solelh

E qui lo dis qu’es un bel far sonar
a, bò
a que da vene aicí provar, tirar, possar
e …

Legir tot

E qui lo dis qu’es un bel far sonar
a, bò
a que da vene aicí provar, tirar, possar
e après n’en parlarem

Vosautri que bojatz lhi culet gracios
a, ja
aquò vos fai plaser, jair, sminjar, gratar,
sensa esagerar

A si nos monta la moscha al nas
a si nos vai lo balin de travers
vos fasem veire que siem birquins
e pas dal tot sensa plucs
Tra un pas e l’autre d’aquest circolet
vos laissem sensa música dal tot
quor’avetz vòstra chambeta levaa
coma de chans pissolets

La balarina mai bela que i a aicí
a, bò
es abo nos que volaria far tric, trac
mas eira polem pas

E lhi galants son já stordits e ben cuechs
ah, ja
da nòstra musicanta piena d’amor, oei!
sòna la viola a roët

A si nos monta ……………

Sem venguts ici mac per sonar
Avem begut sem ja mortals
Lou Seriòl, Lou Seriòl, Lou Seriòl
Ai ai ai …

Legir tot

Sem venguts ici mac per sonar
Avem begut sem ja mortals
Lou Seriòl, Lou Seriòl, Lou Seriòl
Ai ai ai Lou Seriòl
Lou Seriòl, Lou Seriòl, Lou Seriòl
Lou Seriòl !

Filha de la nuòch cantavas al canton del fuòc tot doçament
Aimavi tos uòlhs tas mans tos pels ta votz …

Legir tot

Filha de la nuòch cantavas al canton del fuòc tot doçament
Aimavi tos uòlhs tas mans tos pels ta votz ton còs tot simplament
Cantavas l’istòria d’un amor totjorn sens nom desconegut
Me perdonaràs mas sens o voler ièu me siòi reconegut

Ta cançon contava un pais que ièu coneissi
Qu’es lo mèun qu’es lo tèun

Filha de beutat amb d’uòlhs color d’amistat me sembla plan
Qu’un amor tant bèl dins un pais totjorn sens nom existis pas
Cantavas que l’aubre donarià un jorn de flors al mes de mai
Mas cal laurar la tèrra amb amb l’espèr amb las mans atal viurà

Filha de la nuòch cantavas al canton del fuòc tot doçament
Aimavi tos uòlhs tas mans tos pels ta votz ton còs tot simplament
Ièu te contarai l’istòria d’un pais qu’es pas desconegut
E dins ma cançon segur que ton pais l’auràs reconegut

Ma cançon contarà un pais que ièu coneissi
Qu’es lo mèun qu’es lo tèun

Coneishetz a Simon, qui ei sus d’autes camins ?
Qu’ei lo sol qui sab parlar aus molins,
Coneishetz a Simon, …

Legir tot

Coneishetz a Simon, qui ei sus d’autes camins ?
Qu’ei lo sol qui sab parlar aus molins,
Coneishetz a Simon, lo qui canta tan plan ?
Jo qu’èi votz com eth, e non sèi cantar.
Quauque còp, que vau sus l’arbo son,
D’on vèi que lo monde vira pas tròp rond,
E que’m tiri la vergonha preson,
E que canti libre, libre com Simon.
Canta, canta...

Coneishetz a Simon, qui a un aute sorelh,
Un aute lugran, un aute saunei ?
Coneishetz a Simon, lo qui vola tan plan ?
Jo qu’èi braç com eth e non sèi volar.
Quauque còp, que va tau son país,
La baish quauque part, au hons deu cèu tot gris,
E que’m tiri la camisa preson,
E que voli libre, libre com Simon.
Vola, vola...

Coneishetz a Simon, lo que dança tostemps,
Qui’s fot de la mòda e deu maishant temps ?
Coneishetz a Simon, lo qui dança tan plan ?
Jo qu’èi pès com eth, e non sèi dançar.
Quauque còp, que m’envita au son bal,
Aquiu, on s’i hè tot dia Carnaval,
E que’m tiri las cauçuras preson,
E que danci libre, libre com Simon.
Dança, dança...

Sin montanhols n’aven l’independença
L’aven l’aven et mai la gardaren
Si i a pas de r’ei in frança nos autres …

Legir tot

Sin montanhols n’aven l’independença
L’aven l’aven et mai la gardaren
Si i a pas de r’ei in frança nos autres i renharen

Fasen justico a la moda montanhola
Sin desringar los judges ennuiguies
Lo code de laguilo fa des bues de drullers

Nostre sol mestre es aquel que fa naïsser
Lo blat l’auton e l’erbo lo printen
Lo pregan que no daïsse lo gost del pan lonten

Tu vinieron sios fier de ta vendemia
E ieu te plani paure costolin
Tu cultiva las vinhas nos autres veven lo vi

Del fier galles n’aven lo cri de guerra
Poussen d’aucs que fan to resondir
En passan sur la terro {aiman de no faire aousir}bis

Repic
E bon fol sui, qui m'en vol creire
E savis ben, quan tròp ab cui.

Sirvens sui avutz et …

Legir tot

Repic
E bon fol sui, qui m'en vol creire
E savis ben, quan tròp ab cui.

Sirvens sui avutz et arlòts,
E comtarai totz mos mestiers,
E sui estatz arbalestiers
E portacarn e galiotz
E relions e baratiers
E pescaires et escudiers,
E sui ben de pèiro murer,
Perà de cosir non tròp par,
E mauta mortèi mantas ves,
E ai mais de cent auzèls pres ;
E sui trobaires bèls e bons,
Qu'eu fatz sirventés e tençons,
E sui joglars desavinens
E de sèt òrdes sui crezens.
E fui mazeliers e fis datz,
E corregiers fui lonjamens,
E sai far anèls bèls e gens
E rateiras per penre ratz,
E far ausbères e garnizons,
E sai far putas e lairons,
E sangnèi brac, e fui boviers
E mais d'un mes mercadaniers,
E sai far arcas e vaissèls,
Penches e fus e cascavèls,
E sai far galeas e naus,
Coutèls et espazas e fous ;
E sai èsser pèstres e còcs
E sui bons mètges quant es lòcs.
E fui clèrgues e cavaliers
Et escrivans e taverniers,
E sai far sèlas e escutz,
E sai ban pénher e far glutz,
E sai tèisser e far carbon,
E sai faire del gal capon,
E sai far teulas e capèls,
E sai far gipas e gipèls,
E sai far lanças e bordons,
E sui especïals tròp bons,

E sai batre lan'e deniers,
E sui fòrt cortés agulhiers,
E sui cambïaires leials,
E sui envèrs las femmas fals.

E fis estuaira e tamis,
E cerquèi aur e pueis m'assís
A cavar argen ben tres ans,
E fui corrieus arditz e grans,
E sai far frens e esperons,
E budeliers fui a sazons,
E fis caus e fui campaniers,
E sai ben èsser falconiers,
E fui portiers e barufautz
E gacha per fregz e per cautz,
E bilhaires e berretiers,
E fui de seda bons obriers,
E engenhs fis, si Dieus mi gar,
E còrdas e pairols sai far.

Ancar n'ai agutz de melhors,
Qu'eu gardèi fedas e anhèls,
E fui crestaires de porcèls,
E teis fil de maintas colors,
E toquéi ases e saumiers,
E fui mais de dos ans porquiers,
E fui penchenaire de lin,
E gardèi mais d'un an molin,
E fui manescals de cavals
E gardèi eguas per las vals,
E fui fabres e peleciers,
Si m'ajut Dieus, e sabatiers.

E fis olas e fui sauniers,
E fui caçaires e veiriers,
E fis pargamins e fossatz,
E sai liar radèls e ratz.

E talhèi borsas e vendèi
Plom per argent, e pois menèi
Orps e devine redons e gras,
E fui barbiers, e paniers fas.