Que i a vin a Morlaas
Qui da mau de garganta,
S’as un pet en lo nas
Que’n vas har …

Legir tot

Que i a vin a Morlaas
Qui da mau de garganta,
S’as un pet en lo nas
Que’n vas har de maishantas ;
Avisa’t de non pas pishar
Suus solièrs d’anar tà la missa,
Sinon horats que i averà
Que’n gaharàs bona malicia.

Be’n vòu béver bon vin (3 còps)
B’ei vadut au bèth miei deu Vic Vielh.

L’aute dia a Bordeu,
Qu’an portat sus la taula
Un vin de macarèu ;
Desempuish que i a graulhas
Au hons deu men vente redon,
Coacant dens la mea tripalha,
E que cridan aquiu pregond :
"Enviatz Madiran, malaja !"

Hart de béver piqueta,
Que prengói la carrèra
Dab la vielha estafeta ;
Qu’anèi tà la Capèra (1)
Tà gostar vin de Juranson :
Deu petit manseng de Lapèira
Tà’m poder virar lo poson
E tà har passar la malèra.

Be n’a bevut bon vin (3 còps)
B’ei vadut au bèth miei deu Vic Vielh

Un còp guarit de mau,
Qu’anèi véder a Lasserra
Entà dançar los sauts
E acabar l’istuèra ;
En çò d’Arrat, que’m soi gahat
Un gran còp de pè de barrica :
Lo Cabernet dab lo Tanat,
Be pòt estar bon, macanica !

Be n’èi ua gran tristessa
Be n’èi ua gran tristessa, aulhèr,
Era se n’ei anada,
A jo me’n sab mau …

Legir tot

Be n’èi ua gran tristessa
Be n’èi ua gran tristessa, aulhèr,
Era se n’ei anada,
A jo me’n sab mau lo còr,
He, he, he, he hò...
A jo me’n sab mau lo còr.

Per tota la montanhada,
Per tota la montanhada, aulhèr,
La nèu non n’ei tan blanca,
E los ausèths que m’an páur,
He, he, he, he hò...
E los ausèths que m’an páur.

Mon Diu ! Quina sofrença,
Mon Diu ! Quina sofrença, aulhèr,
Tant la nueit com lo dia,
Solet autan com un hòu,
He, he, he, he hò...
Solet autan com un hòu.

Non la tornarèi véder,
Non la tornarèi véder, aulhèr,
De la vita sancèra,
Jo que’n portarèi lo dòu,
He, he, he, he hò...
Jo que’n portarèi lo dòu.

Be’n avem hèit camin amassa !
Tan de soviers dens noste biaça
Qui las annadas an premut…
N’averí pas jamei …

Legir tot

Be’n avem hèit camin amassa !
Tan de soviers dens noste biaça
Qui las annadas an premut…
N’averí pas jamei cregut
Que l’arrelòtge deu salon
Qui bronéish com un bossalon
Avosse trucat tan de dias
De sas dolentas melodias

Repic :
De l’abor, qu’ei uei l’esclarida
Au cuenh de l’ueil s’as ua rida
Qu’ei juste ta’t trufar de jo
Qui ne sei pas parlar d’amor.

Despush aqueth ser de joenessa
On gausèm escambiar promessa
De un aviéner shens turment,
Qu’a plan ventolejat lo vent !
Quauque còp, qu’a semiat tempèsta
Lo lendoman, dia de hèsta.
E qu’avem passat l’un dab l’aute
Moments de patz et de susmaute

Qu’ei drin paur que’t hàsquian sorríser
Aqueths mots qui ne sèi pas díser
Pr’amor, de la mia cançon.
Qu’ei lhèu passada la sason.
Mes e passa jamei ? Qui’s sap ?
Uei que’na èi l’arolèr peu cap
Com un petit èr de joenessa
Dab las colors de la tendressa

De noste abor, qu’ei uei l’esclarida
Au cuenh de l’ueil s’as ua rida
Qu’ei juste ta’t trufar de jo
Qui ne sei pas parlar d’amor.

Ah Diu vivant ! Qu’aimi la garbura
Soi bearnés deu cap dinc aus pès !
Ah Diu vivant ! Qu’aimi …

Legir tot

Ah Diu vivant ! Qu’aimi la garbura
Soi bearnés deu cap dinc aus pès !
Ah Diu vivant ! Qu’aimi lo vin blanc
Blanc de Juranson !

A Auloron, qu’i a la garburada !
Que cau sortir gahas e topins,
Har borir quasi tot eth dia
Lo ser n’i a tà tots.

A Salias, hèsta de la sau !
Tà salar guits, lo jambon, la puç,
Que sias plan o un drin croishit
Bon tanben taus òs.

A Monenh, fièr deu Juranson !
Pès de vit sus tots los terrèrs,
E tanben au pè de la glèisa,
N’ei pas mei pecat.

Aramits, hèsta deus aulhèrs !
E aquiu, lo rei qu’ei lo can.
Las palomas au dessús de Lana
De cap taus filets.

A Siròs, tots a la cantèra !
Los mainadets com tots los ainats,
Amistat per quauques cançons,
Plaser hens lo còr !

E Laruns, hestà deus hromatges,
Vielh marcat, mestièrs desbrombats.
En Bearn, i a tan bonas causas !
Anem hestejar !

Bearnès de toustem,
Au bearn a jamey,
Omis heyts dab lous joegns,
Qu’abem touts u sauney,
Lou plasé de cantà, …

Legir tot

Bearnès de toustem,
Au bearn a jamey,
Omis heyts dab lous joegns,
Qu’abem touts u sauney,
Lou plasé de cantà,
Ue heyte de nouste casau.

Repic : En daban lous amics,
Canteram l’amistat!
Sus l’empoun, beroys repics,
Canteram la libertat.

De l’Ouzoum’ta l’Adou,
De Pau dinc’Aulourou,
Per tout loc qu’em estats
Arcoelhuts per lou co
D’u amic, d’u maynat
Plé d’amou é d’esper en lous oelhs.

Tau public de Siros,
Coum tau de Bosdarros,
Amasse que cantam
Nouste amou dou Bearn,
D’u pais encantat,
Per lou malh de l’Aussau ennebat.

Begam un còp de mai,
I fa tant bon a taula.
Tant bon a taula quand la nèu es pel …

Legir tot

Begam un còp de mai,
I fa tant bon a taula.
Tant bon a taula quand la nèu es pel camin.
Aiçí passem velhada
Fins a deman matin.

Avèm fait curbisons,
Daissem pausar la relha.
Pausar la relha qu'a fait tantes de bordons.
Sosquem pus a l'esteva
E tindem las cançons.

Sèm que de païsans,
Avèm pèl bristolada.
Pèl bristolada pel solelh tant aflambat.
Pr'aquò la gent de vila
A pas nòstra santat.

Fasèm venir lo blat,
Que fa blanca farina.
Blanca farina e lo pan ros e brescat.
Aital avèm moneda
Quand tornam del mercat.

Fasèm venir lo vin, fasèm venir lo vin
De nòstra vinha.
Qual es que vòl de roge, qual es gue vòl de blanc ?
Fasèm venir lo vin, fasèm venir lo vin
De nòstra vinha.
Fasèm venir lo vin,
Que rescalfa la sang.

Beguèm un còp de mai (bis)
Que fa tant bon a taula
Tant bon a taula
Quand la nèu es …

Legir tot

Beguèm un còp de mai (bis)
Que fa tant bon a taula
Tant bon a taula
Quand la nèu es per camin
A se passem velhada
Jusquas deman matin.

Sèm que de paisans (bis)
Avèm per bristolada
Per bristolada
Pel solelh d’anar flambar
Pr’aquò las gens de vila
An pas nòstra santat.

Fasèm venir lo blat (bis)
Que fa blanca farina
Blanca farina
E lo pan ros e brescat
Atal avèm moneda
Quand tornam del mercat.

Fasèm venir lo vin (bis)
Lo vin de nòstra vinha
De nòstra vinha
Pescadors a nòstra sang
Amics que vòl de roge ?
Amics que vòl de blanc ?

Beguèm un còp de mai (bis)
Que fa tant bon a taula
Tant bon a taula
Quand la nèu es per camin
A se passem velhadas
Jusquas deman matin.

M’arribèt sonant lo resson d’ un cant,
èra pastorèla sos anhèls paissent.

"Pastreta, vos garde Dieu, color de roseta,
meravilha …

Legir tot

M’arribèt sonant lo resson d’ un cant,
èra pastorèla sos anhèls paissent.

"Pastreta, vos garde Dieu, color de roseta,
meravilha m’es de vos ; per que siatz soleta ?

Repic :
Adissiatz ! bèl cavalièr, mon paire me crida,
d’aicí lo vesi laurar e ’ls buòus sus l’artiga.

Quand el la vei se’n anar, seguís la pastreta,
la pren per sa blanca man, tomban sus l’erbeta.
Tres còps la baisèt qu’ela non polsèt
mas a la quarteta diguèt : "Rendi me’n..."

Crompar las particions : http://www.ocmusic.org/boutique/index.php?cPath=5

Au jardin de mon paire
li a tant bèu pin
au jardin de mon paire
li a tant bèu pin …

Legir tot

Au jardin de mon paire
li a tant bèu pin
au jardin de mon paire
li a tant bèu pin
li a tant bèu pin
meis amors
li a tant bèu pin.

Toei leis aucèus que cantan li fan soyn nis

Ai! calha bèla calha que li a dedins

Li a quatre demaiselas e ièu fai cinc

Prene mon aubarestra li vau tirar

Ai tirat sus ma mia li ai blessat

Se passe dins la vila me penjaran

Se passe dins lo ròse me negaran

Ne’n son tres filhas de la Cieutat
Qu’an fach novena a Nòstra dama

Òu, bèla vierge coronada

Per un matin …

Legir tot

Ne’n son tres filhas de la Cieutat
Qu’an fach novena a Nòstra dama

Òu, bèla vierge coronada

Per un matin li son anat’
Et sús l’autar l’an pas trobada

Òu, bèla vierge coronada

En se virant delà la mar
La viàn venir tota banhada

Òu, bèla vierge coronada

Santa maire d’onte venètz
D’onte venètz que siatz banhada

Òu, bèla vierge coronada

Ieu vèni de deà la mar
L’avià ’n vaissèu que si negava

Òu, bèla vierge coronada

E ieu leis ai toteis sauvats
Franc dau nòuchier que renegava

Òu, bèla vierge coronada

Que renegava mon cher fieu
Son arma sarà pas sauvada

Òu, bèla vierge coronada

Queste ser a Galapagar
I a lo bal de la Prima
De la selva fins a la mar
Totes son …

Legir tot

Queste ser a Galapagar
I a lo bal de la Prima
De la selva fins a la mar
Totes son venguts a Galapagar

Povetz veire a Galapagar
De monde de tota mena
Tota mena de fenomènes
Sacrat bazar que li cal pas pagar

L’òme pichot e son trace d’ ostal
E la masca despenchenada
Ratapenadas, fadas e lo Drac
Farfadets eBocaras

Que sarabanda
Es lo cercle desvergonhat
Di-a-ble-jam
Festa descadenada

Venetz veire a Galapagar
I a una cabra que canta
Per sa mia a son costat
E per lo lop que l’avià pas mangiat

Una niera sul escabèu
Ambe un pesolh « belòta »
E la muola pontificala
Que bèu un còp / ambe lo curat

Dins lo mitan d’aquesta farandòla
I a una bela que dança
Amorosa de l’aire, de la vida
Dança sins s’arrestar

Remira la
La beutat pr’ aquò es facha
L’atrapa pas
Perque va s’envolar

Bèla, Sant Joan s’apròcha
Bèla, se cal quitar
Vers una autra vilòta
Ié, ié,
Cal anar demorar !

S’èri una …

Legir tot

Bèla, Sant Joan s’apròcha
Bèla, se cal quitar
Vers una autra vilòta
Ié, ié,
Cal anar demorar !

S’èri una irondèla
Que poguèssi volar
Al prep de tu la bèla
Ié, ié,
Ieu m’anariái pausar !

Pica, pica relòtge
Solelh abaissa-te
Ara Sant-Joan s’apròcha
Ié, ié,
De mèstre cambiarem !

Quand lo cocut cantava
Ieu m’en rejoissiái
E ieu m’imaginavi
Ié, ié,
Que mes de mai veniá !

Regrèti pas lo mèstre
Ni la mèstra non pus
Me’n an ben tròpas fachas
Ié, ié,
I tornarai pas pus !

La mèstra n’es canissa
Lo mèstre es un brutal
Sembla un caval de guèrra
Ié, ié,
Quand a la brida al cais !

Lo ser, quand m’en vau claure
Lo mèstre es sul portal
Me compta las fedetas
Ié, ié,
Me saca un reganhal !

En dintrant sus la pòrta
La mèstra es al canton
Repotega de sòrta
Ié, ié,
Repròcha lo croston !

Anarem a la fièira
Cromparèm un bridèl
Per ne bridar la mèstra
Ié, ié,
Se no’n en podèm vengar !

Se la podèm pas vendre
La caldrà engraissar
A la fièira novèla
Ié, ié,
L’anarem debitar

Qual vòls que la te crompa
Aquel vièlh cremalhàs ?
Es magra tota seca
Ié, ié,
N’es qu’un vièlh rastelàs !

Vèni pastra novèla
Vèni me remplaçar
Te cedarai la plaça
Ié, ié,
Sens te la regretar !

Ara l’ora es venguda
Mèstre comptatz l’argent
E pagatz-nos la pauca
Ié, ié,
No’n anarem contents !

Vèni pastra novèla
Vèni me remplaçar
Vòli pas pus far pastra
Ié, ié,
Me vòli maridar !