Te do dits do dam
E meravelha-te
Te do dits do dam
Eretge
(bis)

Si l’Om’es
Melhor que lo …

Legir tot

Te do dits do dam
E meravelha-te
Te do dits do dam
Eretge
(bis)

Si l’Om’es
Melhor que lo Ben
Dins lo mond
Del Mal que lo ten
Que me ditz son deu

Te do dits do dam
E meravelha-te
Te do dits do dam
Eretge
(bis)

Si lo Ben
Melhor que lo Mal
Dins lo mond
De l’om es bancal
Que me ditz son deu

Refranh :
E l’amor
Mai que lo deu
Catar es lo deu
Melhor que ieu
E l’amor
Mai que lo deu
Catar es lo deu
Catar es son deu

Te do dits do dam
E meravelha-te
Te do dits do dam
Eretge
(bis)

Si l’eretge
Enverse lo mond
Que lo mond
Catar es lo meu
Que me ditz son deu
Catar es ton deu

Refranh

Catar es son deu... Eretge...

Catarina ma vesina
Balha me lo polit tambor
Que ma gata se marida
La vòli far dançar un torn.

…

Legir tot

Catarina ma vesina
Balha me lo polit tambor
Que ma gata se marida
La vòli far dançar un torn.

Catarina ma vesina
Deman jogarai del piston
Que ma vaca Batistina
Se marida ambe lo quinson

Catarina ma vesina
Ont as amagat lo violon
Farem la fèsta per la prima
L’hirondèla e lo parpalhon

Catarina es coquina
Quand me canta sa cançon
Anam dançar sus la colina
Lo rondèu de l’acordeon

Catarina ma vesina
Balha me lo polit tambor
Anam dançar sus la colina
Lo rondèu de l’acordeon

Catarina ma mia
revelha-te sioplet !
Agacha a la fenèstra
lo mailh e lo boquet.
Agacha a la fenèstra
las …

Legir tot

Catarina ma mia
revelha-te sioplet !
Agacha a la fenèstra
lo mailh e lo boquet.
Agacha a la fenèstra
las guirlandas de flors,
per celebrar ta fèsta
que planta l'amorós
Per celebrar ta fèsta
mas primièras amors,
te jogarai l'aubada .
l'aubada de tambor.
Me cantes pas l'aubada
es pas çò que me cal,
çò que sustot me prèissa
es de me maridar.
Çò que sustot me prèissa
es de me maridar,
e qu'aquò dure gaire
que m'anirai negar.
Se dins la mar flotanta
te vòls anar negar,
ieu me farai nadaire
e t'anirai pescar.
Se tu te fas nadaire
per me venir pescar,
ieu me farai floreta
per lo prat mirgalhar.
Se tu te fas floreta
que mirgalha lo prat,
ieu me farai segaire
e t'anirai segar.
Se tu te fas segaire
per me venir segar,
ieu me farai la bicha
que sauta sul sarrat.
Se tu te fas la bicha
que sauta sul sarrat,
ieu me farai caçaire
e t'anirai caçar.
Se tu te fas caçaire
per me venir caçar,
ieu me farai la luna
per lo cal esclairar.
Se tu te fas la luna per lo cal esclairar,
ieu me farai luneta e t'aurai endavant.
Se tu te fas luneta per m'aver endavant,
ieu me farai estèla que poiràs pas trapar.
Se tu te fas estèla
que posca pas trapar,
ieu me farai aubeta
t'aurai en me levant.
Se tu te fas aubeta
per m'aver en te levant,
ieu farai de la mòrta,
en tèrra me metràn.
Se te fas de la mòrta.
en tèrra te metràn,
me farai tèrra santa,
de ieu te cubriràn.
Se te fas tèrra santa
e que me cubrirès,
tant val donc que tu m'ajas
coma un autre galant.

Catarina, ma vesina,
Balha-me lo polit tambor
Que ma gata se marida
La vòli far dançar un torn.

Catarina, …

Legir tot

Catarina, ma vesina,
Balha-me lo polit tambor
Que ma gata se marida
La vòli far dançar un torn.

Catarina, ma vesina,
Deman jogarai del piston
Que ma vaca Batistina
Se marida ambe lo quinson.

Catarina, ma vesina,
Ont as amagat lo violon ?
Farem la fèsta per la prima
L’irondèla e lo parpalhon.

Catarina es coquina
Quand me canta sa cançon,
Anam dançar sus la colina
Lo rondèu de l’acordeon.

Catarina, ma vesina
Balha-me lo polit tambor
Anam dançar sus la colina
Lo rondèu de l’acordeon.

Catarina ma vesina prèsta me ton bèl tamborn,
Que ma vaca se marida la vòli far dançar un torn.

…

Legir tot

Catarina ma vesina prèsta me ton bèl tamborn,
Que ma vaca se marida la vòli far dançar un torn.

Irondèla passa bèla diga m'ont as ivernat,
En atena sus l'antena perque me l'as demandat.

Catarina ma vesina balha de civada als buòus,
E de bren a las galinas se vòs que te fagan d'uòus.

Catarina pas malina las castanhas còson tròp.
E ta maire es dins la topina e ton paire es dins lo bròc.

Irondèla passa bèla diga m'ont as ivernat,
En atena sus l'antena perque me l'as demandat.

Catarina ma vesina presta me ton violon.
A las nòças de ma vaca, jogarem polit branlon.

Catí qu’ei, shens mentir,
Beròja com lo matin. (bis)

Catarineta, se’n va lo temps,
Se’n va lo temps, se’n …

Legir tot

Catí qu’ei, shens mentir,
Beròja com lo matin. (bis)

Catarineta, se’n va lo temps,
Se’n va lo temps, se’n va lo temps,
Catarineta, se’n va lo temps,
Jo que t’aimi per tostemps.

Los sons uelhs son tan doç,
N’an jamei ni dòu ni plors. (bis)

Per darrèr, per davant,
Non sèi quant a de galants. (bis)

Avocat, charpentièr,
E lo hilh del rei parièr. (bis)

Que m’a causit a jo,
Praube, praube Peiroton. (bis)

Praube com un arrat,
Las estelas dens lo cap. (bis)

De tot petit enlà,
Jo que l’aimavi dejà. (bis)

De ploja o de sorelh,
Jo que l’aimi tan com ei. (bis)

De sant Pèir a Sant Joan,
Jo que l’aimi tot er’an. (bis)

Caterina, ma vesia,
Prestatz me lo vòste tambor,
La mia gata se marida,
Que la voi har dançar un torn.

Legir tot

Caterina, ma vesia,
Prestatz me lo vòste tambor,
La mia gata se marida,
Que la voi har dançar un torn.

Caterina, ma vesia,
Qui i a dens la vòsta maison?
Qu ’i son la vola Maria,
L’auringleta e lo parpalhon.

Catherine ma voisine
Donne moi le joli tambour
Car ma chatte se marie et
Je veux la fair’ danser un …

Legir tot

Catherine ma voisine
Donne moi le joli tambour
Car ma chatte se marie et
Je veux la fair’ danser un tour

Catherine ma voisine
Demain je jouerai du piston
Car ma vache Baptistine
Se marie avec le pinson

Catherine ma voisine
Où as-tu caché le violon
On festoiera pour le printemps
L’hirondelle et le papillon

Catherine est coquine
Quand elle me chante sa chanson
Allons danser sur la colline
Le rondeau de l’accordéon

Catherine ma voisine
Donne moi le joli tambour
Allons danser sur la colline
Le rondeau de l’accordéon

Cauria que vos diguèssi
Bèu soleu qu’escaufa la pèu
Cauria que vos diguèssi
Èrba verda per li feas ò li …

Legir tot

Cauria que vos diguèssi
Bèu soleu qu’escaufa la pèu
Cauria que vos diguèssi
Èrba verda per li feas ò li vacas
Cauria que vos diguèssi
Mar, coma un sucre dins una bòla
Cauria que vos diguèssi
Ària dins lo piech
Bòna ària dei matins sensa nèbla
Frema, vin novèu
Òli sul tomati

Cauria, ‘mé de mèu sota la lenga
E de galòfres dins lu uelhs
País, mon País batetjat de sudor
Ti teni companhia
País pintat de matins rogissents
T’esquici per ne’n beure encar’ un pauc
E ieu m’en vau en tu
Que vòles pas crepar
E ieu me’n vau en tu
Descolorit, desganguilat

E tu, a la crotz d’un camin ventós
Sònes una frema per ti levar lo frei
Sònes dins la nuech ti sente un ganavèu
E li estèlas espaventadi
S’escapan en faguent de lume
Sus l’esquina giboa dau temps

Cauria ‘mé de mèu sota la lenga
E de galòfres dins lu uelhs,
País mon País batejat de sudor
Ti teni companhia
País pintat de matins rogissents
T’esquici per ne’n beure encar’ un pauc
E ieu m’en vau en tu
Que vòles pas crepar
E ieu m’en vau en tu
Descolorit, desganguilat

Lo doç fregadís d’una ala
Lo rire d’un dròlle al luènh
L’odor de la pluèja l’estiu sul qiutran

Vaquí …

Legir tot

Lo doç fregadís d’una ala
Lo rire d’un dròlle al luènh
L’odor de la pluèja l’estiu sul qiutran

Vaquí çò qu’aimi

Lo ser que nos revèla un pauc
Lo bruch de la grava jol pas
Dins un vilatjòt la campana al matin

L’acid del limon sus la lenga
L’agach que vòl dire tot
L’escuma de la mar que rampa sul sable

Lo cracinament del luquet
La solitud al clar de nèit
Lo silenci qu’anóncia l’ententa

E ta man que careça ma pèl
E ta man per ma pèl
Ta man, ta man

L’ome s’en vai ont l’emmena lo temps
Lo nivol vai ont vai lo vent
L’efant s’en vai ont l’emmena la …

Legir tot

L’ome s’en vai ont l’emmena lo temps
Lo nivol vai ont vai lo vent
L’efant s’en vai ont l’emmena la vita… Sovent
Força sovent

Per nos lo vent qu’a buffat tant lontemps
A saménat aqui é causirem
Per nos lo vent qu’a buffat tant sovent
Nos a pincat aqui é causirem

La nuetch s’en vai ont l’emmena lo jorn
La novi vai ont vai l’amor
Lo soldat vai ont l’emmena la mort … Sovent
Força sovent

Per nos lo vent qu’a buffat tant lontemps
A saménat aqui é causirem
Per nos lo vent qu’a buffat tant sovent
Nos a pincat aqui é causirem

L’aiga s’en vai ont l’emmena lo riù
L’ausel s’en vai ont vai l’estiù
Doman s’en vai ont l’emmena l’esper… Sovent
Força sovent

Per nos lo vent qu’a buffat tant lontemps
A saménat aqui é causirem
Per nos lo vent qu’a buffat tant sovent
Nos a pincat aqui é causirem

I a la vida e lei gents s’en van
m’acerqui d’aquelei que demòran
dins ma tèsta tot vai en varalhant
…

Legir tot

I a la vida e lei gents s’en van
m’acerqui d’aquelei que demòran
dins ma tèsta tot vai en varalhant
mai i a tant de cauvas que s’ancòran…
Sabi lo silenci lei vueges d’un moment
aquelei que passan, e tot çò que s’en reten
quand pica la cadéncia fau rima dins la ment
puèi canti quand la vida dona e la vida pren…
I a pas de solesa quora sabes la rima
e lo lugarn de totei mei matinadas
fa lusir lei jorns que filan
en bassacadas.

En remembrança aquelei qu’an partit
dançan amé lei dius sus d’autrei planetas
faudriá escriure e cantar tot çò qu’an dit
quand de sonets? contarai pas de sornetas…
Disi que lo temps alisca la pèu
e rosiga un pauc mai nòstreis andanas
avèm pron de pantais dins lei cervèus
per faire un reggae que longtemps s’enlana…
I a pas de solesa quora sabes la rima
e lo lugarn de totei mei matinadas
fa lusir lei jorns que filan
en bassacadas.

Dins la vila i a un potz sens fons ont naisson las nívols
Que s'en van cap a la plana
…

Legir tot

Dins la vila i a un potz sens fons ont naisson las nívols
Que s'en van cap a la plana
L'autan a barrejat lo cèl e i a pas mai de cant d'aucèl
Sus nòstra tèrra occitana

Arrèsta-te tu cavalièr
Cavalièr del temps que passa
Arrèsta-te tu cavalièr
Cavalièr de la blanca espasa !

Son mòrts totes los trobadors e se canta pas mai l'amor
Sonque per la desesperança
Dins l'ombra de nòstre passat una guitarra a espintat
Una flor roja a sa sofrença

Arrèsta-te tu cavalièr
I a una crotz sus ton escut
Arrèsta-te tu cavalièr
Dotze clavèls i son nascuts !

Totes los fuòcs de la Sant Joan s'alucaràn benlèu ongan
De Lemosin a Lengadòc...
E lo Gascon, lo Vivarés, lo Provençau, lo Biarnés
Tota la lenga farà fuòc !

Arrèsta-te tu cavalièr
S'acaba lo trigossadís
Arrèsta-te tu cavalièr
Ara sèm plan luènh de Paris !