ThouxAzun

-

Guillaume Lopez : cant, flaüta, boha Clément Rousse : acordeon diatonic, kick Lo duò Thouxazun es nascut en 2017, entre los Pirenèus e los platèls de Gèrs. Lo groove caracteristic de Clément Rousse e la votz unica de Guillaume Lopez son al servici d'un repertòri essencialament constituït de creacions originalas enrasigadas dins los païses d'Òc.Lo ritme, lo son, lo viatge e las lengas son los ingredients que la dança i es al centre del jòc.

TOAD

Musicas de dançar - Vila desconeguda (XX)

Interpreton un repertòri de dançar tradicional dels violonaires del Massiu Central. Amb Yann Gourdon a la vièla, Pierre-Vincent Fortunier al violon e a las bohas e Guilhem Lacroux a la guitarra electrica, lo son es aspre, pròche de lo d'un grop de metal.

Tòcabiòl

Nòva cançon/cançon - Vila desconeguda (XX)

Autor compositor occitan, J.G. Tòcabiol participèt al reviscol de la musica occitana.

Tolosa cantèra

Polifonias/còrs - Tolosa (França)

Tolosa cantèra es un grop vocal que son repertòri es francament e volontàriament virat cap al cant polifonic tradicional pirenenc.

Es constituit de vint personas, per la màger part apassionadas de kenga e cultura occitanas.

Tòni de l’Ostal

Cants tradicionals - Vila desconeguda (XX)

Cantaire occitan desempuèi 2004, Tòni de l'Ostal prepausa un repertòri pres en cò dels autres compausat de cançons d'artistas occitans tan divèrses com Carlòtti, Dupain, Fabulous Troubadours, Josiana, Lou Dalfin, Mans de breish, Martí, Massilia Sound System, Nadau, Patric... mas tanben cançons pròpias o tradicionalas.

Tonton a faim

Fanfaras/espectacle de carrièra - Carcassona (França)

L'Acadèmia de musica de carrièra Tonton a Faim prepausa animacions divèrsas, mai que mai de balètis compausats de musicians que jògan vertadièrament, sens pas cap de sòno o de disquetas.

Tornamai

Musicas de dançar - Saint felix de pallières (França)

Tornamai es nascut del rescontre de musicians apassionats per las musicas tradicionalas e amoroses de las Cevenas.

Posant a la sorsa de las collèctas divèrsas, los quatre musicians an constituit lor repertòri al servici de la dança mas tanben del cant. Far viure aquela paraula musica, aquela memòria ofèrta e transmesa per de païsanas, cafetièrs, obrièras, pastors, institutritz ; en seguir las dralhas del Sud al Nòrd, en prener los còls d'Oèst en Èst, vaquí çò que prepausa Tornamai.

Toutaven

Cants tradicionals - Avinhon (França)

Compausat de quatres joves musicians poli-instrumentistas d'Avinhon e a l'entorn, nasquèt d'un rescontre e d'una enveja de far pertejar lo plaser de la musica medievala.

En costums d'epòca e al son d'instrumens ancians, coma lo rebec, la viòla de gamba, los cromornes, las flaütas, lo galobet-tamborin, vos prepausan de musicas de dançar, de beure, de cortisar, de pregar...

Traderiderai

Musicas de dançar - Pau (França)

Traginant Dringant

Musicas de dançar - Caldes de montbui (Espanha)

Traginant Dringant nasquèt en 2006 amb l'intencion d'aprochar la musica tradicionala mediterranèa que balha enveja d'escotar e de dançar. Los diferents bagatges musicals de sos membres (jazz, hardcore, rock, musica de carrièra...) enriquesisson e balhan una color pròpia a las cançons popularas arrenjadas.

Tralala

Musicas de dançar - Erau (França)

Tralala es un trio vocal que prepausa un balèti amb l'accent del Sud.

tRaucatèrme

Cants tradicionals - Cantal (França)

Traucatèrme, es una banda de corraires que se jòga de las frontièras e prenon d'acorchis... Guitarra electrica, bassa, batariá, trompeta... Un mescladís que balha de borrèias elecrticas, d'escotichas rock'n roll, de polcàs eska...

Tre Fontane

Trobar - Saint macaire (França)

Tre Fontane se consacra a l'interpretacion e a la difusion de l'art del trobar, art de trobar la poësia, la musica, e de l'art del joglar, art dels musicians, ccòlportaires de l'òbra dels trobadors e creators de musica d'escotar o de dançar.

L'ensem a abordat l'òbra dels trobadors d'Aquitània amb un agach perticular suls del Peirigòrd. Jòga tanben de musica sacra o las polifonias.

Trelutz

Musicas de dançar - Vila desconeguda (XX)

Trelutz, es 4 musicians: Miqueu Tournan a las bohas, clarins, sabiren e cant, Florian Mesureux al galobet, tamborin e percussions e Michelle Marzullo e Alain Deliers a l'acordeon diatonic.

Lo grop se produsís mai que mai en balèti, amb un panèl larg de danças d'Occitania mas tanben d'autras regions de França.

Trencadit

Electro/experimental - Pirenèus Atlantics (França)

Lo Trencadit, escarvalh de còrns de las maisheras d'arrams de cèrvi, qu'evòca ua vita terriana e aeriana, combativa e nhacanta, qui senhoreja au reiaume deus babaus. Los musicians de Trencadit que son autant neurits de musicas tradicionaus com de sonoritats ròck, cosmicas, electronicas, abeurant l‘estrànsia collectiva deu bal. La musica pop(ulara) qu’encontra lo broniment astrau. Un son envolopant la projècta e apèra lo movement, la dança, l’esperit tribau banhant las seuvas de Gasconha.
Valentin Laborde (Vièla electrica)
Alexandre Seli (Violon, Pès)
Jordan Tisnèr (Flabuta, Tamborin, Bassa electrica, voix, kick)
Martin Lassouque (Bohas, Votz, Acordeon diatonic)

Trencavel

Musicas de dançar - Vila desconeguda (XX)

Rics d'una longa experiéncia e d'una practica musicala individuala granda, los membres de Trencavel an creat de musicas e cançons novèlas que posan lor inspiracion a la font de la musica tradicionala del país d'òc.Aquel repertòri de dançar o d'escotar intègra tota la riquesa del patrimòni instrumental occitan.

Viatge musical, del rondèu a la borrèia, Trencavel ofrís atal una paleta de colors sonòras, d'arrengaments personals al servici d'una musica viva, volontariament acostica. Lo violon, l'acordeon diatonic, la guitarra, las vosas s'i acòrdan amb instruments mai ancians coma lo tom-tom gascon, lo graile lengadocian, la boha landesa, la cabreta lemosina, la bodèga de la Montanha negra o la samponia dels Pirenèus.

Tres a cantar

Polifonias/còrs - Saint christophe vallon (França)

Trio masculin polifonic. Cants de dançar, cants de trabalh, cants de luta, cants d'amor...

Tres per dos

Musicas de dançar - Limòtges (França)

Lo trio prepausa un repertòri de balèti lemosin a partir de sos tres duos intrumentals: violon-cabreta, cabreta-acordeon diatonic, acordeon diatonic-violon.

Fa la causida de privilegiar lo son e la dinamica dels cobles d'instruments per far ausir melhor las especificitats e originalitats de cadun. Valsas, polcàs, escotichas e plan segur borrèias son posadas dins lo repertòri regional grand dels violonaires, cabretaires e cantaires.

Mantuna dança son menadas al cant occitan lemosin per renogar amb aquela practica a l'encòp anciana e intemporala.

Tres vidas

Musica del mond - L’ila de baish (França)

Guillaume Lopez (cant, flaüta, bodega)
Kiko Ruiz (guitarra, cant)
Laurent Guitton (tuba)
Nicolas Panek (son)
Lo trio vos convida per partejar de musicas enrasigadas entre Andalosia et païs d'Òc

Tric Trac

Rock/blues - Vila desconeguda (XX)

Pels rockers, Tric Trac es de rock, pels afogats de Trad, tric trac es de trad, pels hard-rockers, Tric Trac es de hard-rock, pels fans de museta, Tric Trac es de valsa-museta, pels keupons, Tric Trac es de punk...

Tric Trac es un grop mas mai que mai un volcan, quand somelha tot va plan, mas a quin moment que siá...

Trigomigo

Musicas de dançar -  Cuneo (Italia)

Trigomigo es un mescladís acostic, complet, complèxe, un teissatge de fials fins que ligan ensem instruments e experiéncias de vida, una votz sola eissuda d'una sola farsa musicala amb un perfil en pentagram.

Trigomigo cresquèt jols sons de la renaissença del fòlc. Correntas, gigas e autras danças occitanas an pres plaça dins lors nombrosas representacions in Itàlia coma en França.

Trio DCA

Musicas de dançar - Vila desconeguda (XX)

Lo Trio DCA es compausat del cabretaire Dominique Peris, d'Hervé Capel a l'acordeon cromatic e d'Anne-Lise Foy a la vièla.

Lor repertòri es eissut de la musica tradicionala d'Auvernha Nauta. Es una musica que se pòt tan dançar coma escotar.

Trio Espinasse-Le Meur

Cants tradicionals - Pavie (França)

Amb bohas occitanas (bohas lanuquesta, bodèga de la montanha negra) o del centre de França, la musica d'aquel trio se passeja entre tradicion e creacion, entre unisson e polifonias mai complèxas.

Lo repertòri va dels estandards de la boha fins a de creacions que sonan occitanas. Tampatz los uèlhs e daissatz-vos prene e susprene per aqueles intruments que desrasonan.

Trio joglar

Trobar - Nimes (França)

Delphine Aguilera, Marc Bellity e Mathias Autexier recampats dins un trio que vos farà pantaissar amb lors mescladís de musicas de trobadors e de composicions.

Trio LAm

Musicas de dançar - Paris (França)

Trio Nouvé

Cants tradicionals - Vila desconeguda (XX)

Audrey Peinado
Emmanuelle Aymès
Henri Maquet

Lo grop a per tòca de jogar e cantar los Nadals mai coneguts de la tradicion provençala (Saboly, ND des Doms, St Gervasy). Lo grop s'acompanha dels instruments de la tradicion provençala,tambourin, Galobet, Violon, Guitarra, Flaütas de canavèra, Ocarinàs, le trio revisite néanmoins ces trads inusables depuis le XVII è siècle.

Trio Tripoux

Musicas de dançar - Vila desconeguda (XX)

bal tradicional, gastronomic, danças del sud-oèst, borrèias d'Arièja

Trobairitz d’oc

Polifonias/còrs - Turin (Italia)

Doas vosas originalas que contan d'un biais novèl lo patrimòni occitan de cants de femnas que se tornan trapar per las valladas occitana en piemont, dins lo territòri de la lenga d'Òc.

Doas voses femeninas que coloran un repertòri de cants inspirat del cantar cortés de las trobairitz. Mesclan la musica populara amb lengatges mai modèrns coma lo jazz, çò que fa d'aquela proposicion quicòm d'original e novèl dins l'ensem de la musica tradicionala occitana.

Tronadissa

Trobar - Barcelone (Espanha)

Troubadours art ensemble

Trobar - Corsan (França)

La formacion, dirigida per Gerard Zuchetto, canta los trobadors occitans dels sègles XIIen e XIIIen, aquela lirica medievala qu'a iniciat la primièra literatura moderna en Euròpa. Alquimia de mots e de sons, d'emocions e d'accents, de sobrietat medievala e de minimalisme contemporanèu dins la musica.

Un art viu per nos trasmetre lo sentiment mai prigond de la poësia occitana. Una instrumentation remarcablament efficaça e una utilizacion subtila de las voses contribuisson a un espectacle original.