Singlar blou

Rock/blues - Moustier ventadour (França)

Ja mai de 20 ans que los Singlar Blou an creat lo Rock agricòla en Corresa. Es ara la musica preferida dels franceses (segon un sondatge realizat als Remparts d'Egletons alprèp d'un escapolon representatiu dels clients del cafè).

Sipasi t'ika

Musicas de dançar - Digne (França)

Mylène Lorion:guitarra, cant
Miguelito : charango, mandolina, flaüta de pan, frestèu...

Sòmi de Granadas

Musicas de dançar - Thoux (França)

Lo repertòri e lo son de Sòmi de Granadas son una convidacion, una incitacion a un viatge iniciatic entre Espanha, Maghreb e paises d'òc.

Creacions originalas se fretan a qualques adaptacions vocalas o instrumentalas per un concèrt que s'i mesclan ier de deman, ràbia e dolçor, riquesa e simplicitat, pantais e realitat.

Guilhèm Lopez, Thierry Roques e Pierre Dayraud dialògan, s'escapan, e se tornan trapar dins una explosion de ritmes e de sons, de mòdas e de mondes.

Sono loco

Punk/metal - Autafòrt (França)

Solonolco, totjorn entre punk, rock e metal, e totjorn en francés, anglés e plan segur occitan, devasta los cafès, los concentres de Harley, los festenals...

Sors les mains d'tes poches

Musicas de dançar - Someire (França)

Sourdure

Electro/experimental - Vila desconeguda (XX)

Ernest Bergez bareja musica tradicionala e musica concreta. Mescla los sons del violon amb bruches electronics per far tornar viure la tradicion.

Sourdurent

- França

Alargant son projècte Sourdure a l'aventura collectiva, Ernest Bergez balha naissença a Sourdurent per aprigondir sa linha de conducha : una ibridacion audaciosa d'un folclòr occitan ancestral e d'experimentacions musicalas las mai modèrns.

Spi et la Gaudriole

Musicas de dançar - Montpelhièr (França)

L’enavant del grop e lo carisme de Spi, aliàs Joan Miquèu Poisson, ( ex - cantaire e paraulièr de OTH e dels Naufragés),botan lo fuóc a cada aparicion.. Festejaire, esperdigalhada, emmascanta, la musica « tribala » occitana li dona un buf novel. I torna trovar lo vam del rock original mesclat a l’esperit de Convivencia dels trobadors d’antan, e i descouvra la fòrça de la Dansa. La Gaudriòle pòt jogar en balèti, amb un son mai « soft », mai acoustic, e tanben dins un concert dich « rock » amb de versions mai muscladas e electricas.

Stephan Manganelli

Nòva cançon/cançon - Vila desconeguda (XX)

Cantaire provençal, interpreta sas creacions e de reviradas de cantaires franceses (michel Fugain, Georges Brassens...).

Stéphane Daniel

Nòva cançon/cançon - Vila desconeguda (XX)

Stille Volk

Punk/metal - Arièja (França)

Stille Volk a per tòca la recèrca d'una musica d'inspiracion celtica, occitana e medievala agrementada d'elements modèrns. Per aquò far, nombroses instruments de totas las originas e de totas las epòcas son utilizats: orgue de barbaria, luth arab, violon, bouzouki, boha, chalemia, mandolina, orgue, bombarde, flaütas...

Stoufi Gari

Cants tradicionals - Sant Martí de Var (França)

Aqueste ensemble vocal nasquèt a la fin de 2011 a l'iniciativa d'Arnaud Galichet, portat per l'amistat de 6 joves de Nissa e de sas valadas, amoroses del cant e de lor país.
Lo repertòri bastit a la debuta a l'entorn de las tradicions nissardas, s'es diversificat. Ara, lo grop canta cants tradicionals de Provença, mas tanben d'aires d'Itàlia, de Croàcia e d'endacòm mai.

Subèr Albèrt

Nòva cançon/cançon - Pirenèus Atlantics (França)

Lo grop bearno-rock de las annadas 80 : interpretacions personaus deu repertòri noste.

Tafanari

Musicas de dançar - Colombières sur orb (França)

Atal rotla Tafanari, entre musicas d'oc, viralengas e aires de contrabanda. Venon, coma per la nòça, amb tota la clica: l'encharmaira de flaütas, la còrda, lo bateire, lo jogaire de boha...

Tres tons t'i fan un jorn de fèsta, solo de bidon, musiquetas a sauta-còr, borrèias o valsas e aires que de dançar.

Talabast

Musicas de dançar - Dordonha (França)

Talabast joga e canta musicas de dançar de Gasconha e de Peiregòrd arrengadas, desrengadas, jogadas edesjogadas.

Tambourinaires de Provence

Musicas de dançar - Nans les pins (França)

Tambourinaires de Provença es un ensemble professional que mescla instruments divèrses coma flaütas, bohas, gralla catalana, derbouka, tuba, trombòne, guitarra, banjò, percussions...

Lo repertòri se compausa de musicas de compositors contemporanèus en s'inspirar de l'esperit de las novelas musicas tradicionalas e tanben de musicas occitanas ancianas tornadas visitar.

Tanat

Divèrses - Ogeu les bains (França)

Tanat es enrasigat dins lo Bearn e vòl pertejar, cultivar e entreténer aquel patrimòni daissat per lors aujóls e per que lors descendents poscan tanben aprofièitar d'aquel eiritatge intacte.

Tant que li siam

Polifonias/còrs - Vila desconeguda (XX)

Tres musicians del grop "la Bande à Koustik" se son amassats per crear aqueste trio vocal de polifonia occitana:
* Marie-madeleine Martinet
* Mario Leccia
* Damien Toumi

Tarabas indika

Punk/metal - Montpelhièr (França)

Tre lors primièrs concèrts, los Tarabas Indika saupèron botar al perfum lo public qu'esita pas a se bolegar fàcia a de melodias que vos demòran dins lo cap tan coma los refrins, mercés a de riffs energics e un debit de rimas en ronfladas, tot aquò salvatjament ritmat.

Anar veire Tarabas es se trapar davant una banda de joves iperactius enrabiats.

Tarabast

Cants tradicionals - Còrdas (França)

Cabretas, boha e bodega revoluman a l'entorn d'una guitarra rebèla, en s'apuejar sus las fondacions solidas d'una bassa intraitabla e d'una batariá qu'esculta lo tempo a grands còps de ritmica actuala e populara.

Melodias dels fonds dels edats, poèmas de poètas desapareguts, composicions, musica de dançar, de cantar, de far la fèsta, Tarabast trapa sas rasigas al mai prigond de la tèrra occitana.

Tard-quand-dine

Cants tradicionals - Avinhon (França)

Fondat en 1995 per quatre fraires e sòrres, l'ensemble Tard-Quand-Dine s'es rapidament enriquesit de musicians joves que pertejavan una meteissa passio per la creacion e l'improvisacion sus de ritmes d'inspiracion tradicionala.

Lor repertòri compta composicions en francés, provençal e italian.

Ten aquì

Musicas de dançar - Arles (França)

Ten Aqui es lo maridatge de doas voses dissonantas, l'una qu'apèla a la melopèa e a la transa, l'autre mai ritmada que sona a la dança, amb l'occitan coma lenga comuna.

Son d'instruments acostics salvatges (bombardas, bohas, clarinetas), una vièla de ròda electroacostica e l'apòrt de l'electronica que ven apuejar d'unes sons.

Ténarèze e d'Aqui Dub se rejonhon dins la recèrca de sons, dins la creacion de composicions originalas e dins la meteissa passion de l'escambi musical.

Tenareze

Musicas de dançar - Vila desconeguda (XX)

Cinq musicians de talent, noirits de musicas tradicionalas d'Occitania, de Bretanha e d'endacòm mai... A l'escota del mond, tornan inventar de longa melodia e ritmes, crèan d'instruments espantants al servici de lor passion comuna pels monds sonòrs inventats.

Terra Maïre

Cants tradicionals - Tolosa (França)

Doas voses susprenentas sortidas d'una meteissa font: la de Marie-Ange e Béatrice, maire e filha, unidas tan per l'ereditat que per lor repertòri posat dins lors rasigas del Sud de la França.

Lo repertòri de Terra-Maïre, cants medievals e sacrats occitans, fa sorgir un mod d'emocions essencialas, al caireforc entre lo sacrat e lo sorcelum.

Terrae incognita

Musica del mond - Ais de provènça (França)

Es lo rescontre electric entre un Sitar, un Galobet e un Digeredoo. Terrae Incognitae vòl amb passion tornar balhar al galobet sas letras de noblesa in l'inscriure tornamai dins lo flus de la musica actuala.

The Mascagnat Crew

Musicas de dançar - Pirenèus Atlantics (França)

Un rescontre grand entre lo hip-hop e la musica tradicionala occitana, lo rescontre de l'urban e del rural amb d'efièits electro-acostics plen d'umor.

ThouxAzun

-

Guillaume Lopez : cant, flaüta, boha
Clément Rousse : acordeon diatonic, kick

TOAD

Musicas de dançar - Vila desconeguda (XX)

Interpreton un repertòri de dançar tradicional dels violonaires del Massiu Central. Amb Yann Gourdon a la vièla, Pierre-Vincent Fortunier al violon e a las bohas e Guilhem Lacroux a la guitarra electrica, lo son es aspre, pròche de lo d'un grop de metal.

Tòcabiòl

Nòva cançon/cançon - Vila desconeguda (XX)

Autor compositor occitan, J.G. Tòcabiol participèt al reviscol de la musica occitana.

Tolosa cantèra

Polifonias/còrs - Tolosa (França)

Tolosa cantèra es un grop vocal que son repertòri es francament e volontàriament virat cap al cant polifonic tradicional pirenenc.

Es constituit de vint personas, per la màger part apassionadas de kenga e cultura occitanas.