As nònanta ans
E siás soleta,
As nònanta ans
E tei cambetas
An plus vint ans,
O, ma Mameta,
O, …

Legir tot

As nònanta ans
E siás soleta,
As nònanta ans
E tei cambetas
An plus vint ans,
O, ma Mameta,
O, ma Mameta.
Rapela-te
Come eriatz lèstes
’Mé lo Papet
Lei jorns de fèsta,
Quand te fasiá
Virar la tèsta,
Virar la tèsta.

Vas de ton liech
A ta cadiera,
De l’escalier
A la carriera,
Dau bolangier
A la bochiera,
Siás matiniera
L’après- dinnar
’Mé la Franceta
Vas t’assetar
Sus la placeta
Per racontar
Quauquei sornetas,
Mamet, braveta.

Se siás un pauc
Dura d’auriha,
Béu enca’n pauc
De camomilha.
Fai veire un pauc
Ton uelh que brilha
Mamet, ma mìa.
Encanta-me
Brava Mameta
E canta-me
Ta cansoneta,
Aquela que
Fai "Larireta-
La-la-rireta.

De còps que i a,
I a la Camilha
Que vèn jogar
A la manilha :
Fau plus comtar
Sus la familha,
Mamet, ma mìa.
As nònanta ans
E siás soleta,
As nònanta ans
E tei cambetas
An plus vint ans
O, ma Mameta,
O, ma Mameta.

Margaridou èro touto descausso,
Margaridou moustravo sei talou.
E iéu li dis : « Margaridou ma mìo,
Siéu courdounié, te …

Legir tot

Margaridou èro touto descausso,
Margaridou moustravo sei talou.
E iéu li dis : « Margaridou ma mìo,
Siéu courdounié, te farai de soulié.»

Margaridou plantavo de salado,
Margaridou plantavo de flourou.
E iéu li dis : « Margaridou ma mìo,
Siéu jardinié, te farai de bouquet. »

Margaridou fasié de tapenado
Margaridou à grand cop de pilou.
E iéu li dis : « Margaridou ma mìo,
Siéu moulinié, prendrai teis óulivié. »

Margaridou larjavo un pau sa bèio,
Margaridou gardavo sei moutou.
E iéu li dis : « Margaridou ma mìo,
Iéu, siéu bergié, menarai toun avé. »

Margaridou móusié sei quatre chabro
Margaridou fasié sei picoudou.
E iéu li dis : « Margaridou ma mìo,
Siéu froumagié, te farai toun caiet. »

Margaridou coupavo sei lavando,
Margaridou n’en ramassavo prou.
E iéu li dis : « Margaridou ma mìo,
‘Mé ma raqueto emplirai toun saquet. »

Lei gents m’an dich : « Volèm cantar, volèm dansar
Car siam aquí per rire un pauc e s’amusar.
Avèm …

Legir tot

Lei gents m’an dich : « Volèm cantar, volèm dansar
Car siam aquí per rire un pauc e s’amusar.
Avèm manjat, avèm begut, siam sadolats.
Ara es a tu de nos faire un pauc rigolar ».
E ieu l’artista, ai dich : « D’acòrd, pòde jogar,
Mai atencion, aqueste còp faudrà pagar ! »

Lei gents t’an dich que sentiás l’ai e lo pastís,
Que lei feniàs fasián mestier dins ton païs.
’Quò fai plesir, lei compliments son a gratís !
Mai lei colhons anaràn pas au Paradís.
Pauc a cha pauc, son en trin de te rosigar,
Per rebricar, despacha-te, fau bolegar.

Se quauqu’un ditz que dau patoes n’i a plus besonh,
Lo manques pas, fau pas aguer paur dei colhons.
A fòrça de reçaupre de còps de baston,
L’ase reguinha e nautre tamben n’avèm pron.
E se vòs pas te laissar tratar de gagà,
Li fau cridar, cridar, cridar : « Me fas cagar » !

R- Hòu ! Mossur Jan-Enríc !
I a un gròs tavan
Sus ton capèu.
Hòu ! Mossur Jan-Enríc !
I …

Legir tot

R- Hòu ! Mossur Jan-Enríc !
I a un gròs tavan
Sus ton capèu.
Hòu ! Mossur Jan-Enríc !
I a un cabrian
Sus ton mantèu.
Hòu ! Mossur Jan-Enríc !
I a un escorpion
Sus ton botèu.
Hòu ! Mossur Jan-Enríc !
I a un parpalhon
Dedins ti péus.

1-Una parpalhola
Buta la paret,
Fai la cabriòla
Mai se peta un pè.
Lo Rèi di bestiòla :
Mossur Jan-Enríc,
Pren la parpalhola
E piei la garí.

2- Vaquí que l’aranha
Cassant lo grilhon,
Dins sa telaranha
Pren un mosquihon.
Quand la cigaleta
Rascla son violon,
Li dòs forniguetas
Fan lo rigaudon.

3-Sabètz que l’abilha
Marca pas tròp mau,
Quand se desabilha
Sembla un gròs babau.
Quand la damisèla
Vèi l’escaravai,
Tituba e chancèla
Saup plus onte vai.

4- Quand la babaròta
Prega lo Bòn Dieu
Sembla mai devòta
Que lo prega-Dieu.
La catarineta
Se ditz : « Se poudiáu,
Coma la luseta
Metre un fiòc au quieu. »

5- Ai vist la canilha
‘mé lo bèu grilhet :
Dròla de familha !
Mai son pas solets :
Una sautarèla
Sariá la molher
D’un niais que s’apèla :
Tavan merdassier !

Siáu come tu, Mossur Seguin,
Tóti mei cabras son partidas,
E siáu solet amé mon chin,
Solet amé ma despartida. …

Legir tot

Siáu come tu, Mossur Seguin,
Tóti mei cabras son partidas,
E siáu solet amé mon chin,
Solet amé ma despartida.

Quauquei cabras e puei un vièlh chin
Que fai escampar lei cabrits,
Lei sonalhons que fan tin- tin
Cascalhan dins mon sovenir.
Segur que lo mestier es dur
Dins aqueu païs de miseri.
M’es arrivat un grand malur,
Ieu que siáu pas dins la drudiera.

Siáu come tu, Mossur Seguin,
Totei mei cabras son partidas,
E siáu solet amé mon chin,
Solet amé ma despartida.

La còrda per leis estacar,
L’ai estacada a mon còu.
E se volètz per m’acabar :
Pendolatz-me, me fai plus paur.
E dessús ma pòrta ai marcat
En gròssei letras, en capitalas :
"BARRAT" perdequé siam crebats,
Crebats de pena capitala.

Siáu come tu, Mossur Seguin,
Totei mei cabras son partidas,
E siáu solet amé mon chin,
Solet amé ma despartida.

Rèsta plus, per me consolar,
Que mei sonalhas e mon baston.
E lei lops que m’an tot raubat
Barrutlan pas dins mon canton.
Rèston puslèu au parlament,
Dins lei burèus dei ministeri,
E an previst segurament
De me portar au cementeri.

Siáu come tu, Mossur Seguin,
Totei mei cabras son partidas,
E siáu solet amé mon chin,
Solet amé ma despartida.

Mei quauquei cabras e mon vièlh chin,
Lei reguinhadas dei cabrits,
Lei sonailhons que fan tin-tin,
Restaràn dins mon sovenir.
Meme s’ai plus ges de tropèu
Vòle plus quitar ma montanha
E meme en me crebant la pèu
Li restarai ribon-ribanha.
Siáu come tu, Mossur Seguin...

Pastre di mountagno,
La Divinita
A pres pèr coumpagno
Vosto umanita.
Soun dins la persouno
D’un pichot enfant
Que soun …

Legir tot

Pastre di mountagno,
La Divinita
A pres pèr coumpagno
Vosto umanita.
Soun dins la persouno
D’un pichot enfant
Que soun paire douno
Pèr vosto rançoun.

La troupo fidèlo
A pres grand plesi
D’aussi la nouvello
Que l’ange i’a di.
An peno de crèire
Qu’acò sié verai,
Volon l’ana vèire
Aqui vounte jais.

Lou pu vièi di pastre
E lou pu sabvènt
Counsulto lis astre,
Se fara bèu tèms.
Dis qu’en luno pleno
Fai toujour tèms dre,
E quand l’auro meno,
Dis que fai bèn fre.

Guilhaume s’abiho,
Vestis soun jargau,
E dis à sa fiho :
« Istas à l’oustau,,
Debano la sedo,
Gardas lou troupèu,
Móusès vòsti fedo,
Largas lis agnèu.

Se vesias sa femo !
Gounflo coume un biòu,
Jito de lagremo
Grosso coume diòu !
Es descounsoulado,
Quand noun pòu ana
Vèire l’acouchado
E l’enfant qu’es na.

Lis àutri pastouro,
Deman de matin
Viron li sèt ouro,
Saran pèr camin.
Crese que si mouflo
Iè faran pas mau,
Car lou vènt que souflo
N’es pas gaire caud.

Pastre, pastresso,
Courrès, venès tous, pecaire !
Vosto mestresso,
A besoun de vous, pecaire !

A la bourgado,
Proche Betelèn, …

Legir tot

Pastre, pastresso,
Courrès, venès tous, pecaire !
Vosto mestresso,
A besoun de vous, pecaire !

A la bourgado,
Proche Betelèn, pecaire !
S’es acouchado
Sus un pau de fen, pecaire !

Dins un estable
Tour arrouina, pecaire !
L’Enfant amable
De matin es na, pecaire !

La Vierge Maire
Coumtemplo soun fru, pecaire !
Saup pas que faire
Quand lou vèi tout nus, pecaire !

Nòsti pastresso
Boulegon li man, pecaire !
E fan caresso
A-n-aquel enfant, pecaire !

Cercon de paio
A l’entour dóu liò, pecaire,
E de buscaio
Pèr faire de fiò, pecaire !

Uno lou mudo,
L’autro lou soustèn, pecaire !
Un pau d’ajudo
Fai toujour grand bèn, pecaire !

A Combe-Ferre, à Brame-Fam,
Là-haut, moi j’ai mes souvenirs :
Une bastide, et un vieux banc
Un pommier qui veut …

Legir tot

A Combe-Ferre, à Brame-Fam,
Là-haut, moi j’ai mes souvenirs :
Une bastide, et un vieux banc
Un pommier qui veut pas mourir.
Au chaud près de la cheminée,
Il y a bien quelques années,
Petit frère t’étais pas né
Quand le Pepèi me fredonnait :

Tira-la ressa, Mestre Joan
Tira-la tu que siás plus grand
A jornada, a pretz-fach.
Quand as ganhat ? Cinq pesetas.
Quand as perdut ? Cinq escuts.

Et l’hiver, le vent était froid
Dehors, on l’entendait siffler
Ca me faisait trembler d’effroi,
Mais le Pepèi me rassurait.
Au chaud, près de la cheminée,
Sur ses genoux, il me prenait,
Mes malheurs, il les comprenait,
Ses mots toujours, je les connais :

Aqueu vai laborar,
Aqueu pòrta l’aguïlhon per faire avançar lei buòus,
Aqueu fai la sopa,
Aqueu la manja tota,
E aqueu ditz :
"Pieu-pieu-pieu n’i a plus ges per ieu."

La lumière, c’était la bougie,
Le tracteur, c’était le cheval,
La radio, c’était la magie,
Après tout ce n’était pas mal.
On a beau faire des cheminées,
Brûler le bois sur des chenets,
Chanter comme des déchaînés,
Pepèi, ton temps est terminé.

Aviam un bèu castèu,
Ma tan-tira-lira-lira
Aviam un bèu castèu,
Ma tan-tira-lira-lèu
Lo nòstre es bèn plus bèu,
Ma tan-tira-lira-lira
Lo nòstre es bèn plus bèu,
Ma tan-tira-lira-lèu
Vos lo desmolirem,
Ma tan-tira-lira-lira
Vos lo desmolirem,
Ma tan-tira-lira-lèu.

Qu’elle était belle ta montagne,
Mais il n’y a plus d’hirondelles,
Et plus de pays de cocagne,
Plus de vrais soupers aux chandelles.
Les fleurs de ce temps sont fanées,
Les piboules ont piqué du nez.
Pepèi, ne sois pas étonné,
Ce soir, j’ai envie d’entonner :

Ara qu’avèm tot acabat
Fumem la pipa
Ara qu’avèm tot acabat
Fumem la pipa sens tabac.

I anarem totei
I menarem nòsteis enfants
E la jornada, sarà pagada
Come se trabalhaviam.

Pèr noun langui long dóu camin
Counten quauco sourneto,
Sus lou fifre e lou tambourin,
Disen la cansouneto.

Repic:
Canten …

Legir tot

Pèr noun langui long dóu camin
Counten quauco sourneto,
Sus lou fifre e lou tambourin,
Disen la cansouneto.

Repic:
Canten Nouvè, Nouvè, Nouvè,
Nouvè sus la museto (bis).

Lou tèms nous a gaire dura
Ves’eici la granjeto !
Lou bèu proumié que i’intrara,
Que lève la bareto.

Ai d’iòu, de farino e de la,
Emai uno casseto,
S’aviéu de fiò, i’auriéu lèu fa
Uno bono poupeto.

L’enfant es fre coume de glas,
Pourgès-me l’escaufeto !
Tenès, caufas-ié soun pedas,
Coumaire Guihaumeto.

Bono Vierge, Maire de Diéu,
Bello e jouino bruneto,
Nautre vous anan dire adiéu,
Vous leissan pas souleto.

1- Dedins ta boca abandonada
As belèu mai de mila aucèus,
Que te fan tota la jornada
Un cascalh de …

Legir tot

1- Dedins ta boca abandonada
As belèu mai de mila aucèus,
Que te fan tota la jornada
Un cascalh de mila piéu-piéu.

R- Te dison : “Zon”, te dison : “Zeta”,
E siás la filha dau solèu,
Ieu te dirai : « Ma petoseta »,
E siás ren qu’un pichòt piéu-piéu.
Te dison : “Zon”, te dison : “Zeta”,
E siás la filha dau solèu,
Ieu te dirai : « Ma petoseta »,
E siás lo plus beu deis aucèus.

2- Sota ta rauba, mon amada
As belèu mai de mila aucèus
Que vodrián batre la chamada
E montar plus naut que lo cèu.

3- E ieu que siáu ton cambarada,
As que d’escotar mei consèus :
Laissa pas ta gabi barrada
E laissa envolar teis aucèus.

Que vos ai pas dich Mossurs, Damas,
Qu’es en anant faire pipí
Qu’ai capitat la genta Dama
Que tèn lo …

Legir tot

Que vos ai pas dich Mossurs, Damas,
Qu’es en anant faire pipí
Qu’ai capitat la genta Dama
Que tèn lo pissador public.

S’es una causa naturala
D’escampar d’aiga au pissador,
I trobar la fema fatala
Aquò se vei pas de pertot.

I ai dich : « Bònjorn, Madamisèla ».
E risoleta a respondut :
- Fai de temps, siáu plus damisèla,
Mai fai plesir, mercí Monsur.

Es come aquò que nòstre idile
A començat coma un pantais
Que fai badar leis imbeciles
E pissar de rire lei niais.

Un jorn que sabiáu pas que faire,
Siáu anat l’ajudar un pauc
Per veire passar lei pissaires
E per li rambalhar sei sòus.

Ai vist de banquiers, de notaris,
De gendarmas e de maufatans.
Ai meme vist de militaris
Au garda a vos, l’arma a la man.

De pissa-freg, de resta-gaire,
De gisclaires e de durs dei durs.
Ai meme entendut de siblaires
Entonar lo cant dau bònur.

Ai vist passar lo musicaire
Esquichat dins son pantalon.
S’aviá pas trobat lou bòn caire
Auriá pissat dins son violon.

E pareis que lo gau-galina
Pissa en levant lo pichòt det.
Mai lo calut que tremolina
Se fai tot gisclar sus lei pès.

Aqueu que ritz, aqueu que fonha.
Inconeigut, celebritat,
Per pissar i a ges de vergonha,
Aquí son a egalitat.

Ai dubèrt un bistròt en faça
Per beure un còp, e subretot,
I a plus qu’a traversar la plaça
E faire un torn au pissador.

Fau beure per donar de fòrça.
‘Queu que beu, segur, vai pissar.
E come l’union fai la fòrça,
Avèm finit per s’associar.

E i ai passat ma clientèla :
Entre amics fau ben s’ajudar.
Fai de sòus dins nòstra escarcèla
O puslèu de liquiditat.

Ara avèm ‘na botiga nòva
Monte se pòu beure e pissar,
Monte avèm marcat « Pisse and love »
En sovenir dau temps passat.

1-La poulka d’Arnaioun

La fiho dóu grand Ploumèu
Lou garçou dóu chastèu la vòu,
La vòu coumo chambriero
Pèr li …

Legir tot

1-La poulka d’Arnaioun

La fiho dóu grand Ploumèu
Lou garçou dóu chastèu la vòu,
La vòu coumo chambriero
Pèr li faire tua sei niero !

2-La poulka de Vilabouas

Benòni vai à la chasso
‘Mé lou Rey de Vilabouas.
Rescountron Vial sus la plaço
‘Mé Juloun marchand de bouas

A Vilabos i’a de bouan chassaire,
N’i’a de tóutei lei mestié.
Aqui l’i’a Jouve l’estamaire
E d’aqui un menuisié.
Juloun fai parti la lèbre
E Benòni prèn lou pèd.
Benòni tiro la lèbre
Lou Rey manco lou lebrau.

La lèbre passè amount à Vielo
Dins lei chambo de Fourtuné
E pièi descendè à la ribièro
Vaqui lou tour que faguè.

3-La poulka de Chauvac

Mon papa ne veut pas,
Que je danse, que je danse,
Mon papa ne veut pas
Que je danse la polka.

Quand ère pichonet (bis)
Restave emé, ti-ti-la-ri-ti, ti-ta-la-ri-tà
Restave emé mei grands (bis)

Un jorn mon grand diguèt :
« …

Legir tot

Quand ère pichonet (bis)
Restave emé, ti-ti-la-ri-ti, ti-ta-la-ri-tà
Restave emé mei grands (bis)

Un jorn mon grand diguèt :
« Vai te’n quèrre un - pan blanc »

Ai pres mon grand saquet
E siáu partit - subran.

A la bolenjariá
Ai rescontrat - Mian-Mian

Que me diguèt : « Janet,
Mai de que fas - deman ? »

I ai dich : « Vau au pradet
Per ramassar - d’aglans »

Lo lendeman venguèt,
E siam partits - pimpants.

Ieu, marchave darrier,
Ela, a partit - davant.

I ai portat son panier,
E m’a donat - la man.

I ai fach un beu boquet
Emé de flors de champs.

Per mercé me donèt
De rasins de - Sant-Joan.

A-n-un moment faguèt :
« Te vodriáu per - galant »

M’a fach un risolet
Tot en me po - tonant.

La paur puei me prenguèt,
E ai garçat - lo camp.

’Mé lei filhas sas que
Te fau i anar - plan-plan !

E quant n’i a aquest’an, de ròdas sota lo Carri ?
Crèse que, grand colhon, que n’i a qu’una, que …

Legir tot

E quant n’i a aquest’an, de ròdas sota lo Carri ?
Crèse que, grand colhon, que n’i a qu’una, que n’i a qu’una.
Come fan per rotlar, es ben estraordinari ?
Anaràs, grand colhon, demandar a la comuna.

Repic
Se n’i a una ò se n’i a dòs, se n’i a tres ò meme quatre,
Quatre ròdas sot lo Carri, se ne’n garça lo Senhor.
Se n’i a quatre ò se n’i a tres, se n’i a dòs ò se n’i a qu’una,
Tant que vira, vira, vira, tant que vira fai de torns !

E quant n’i a aquest’an, de chivaus davant lo Carri ?
Crèse que, grand colhon, n’i a mai de vint que tirassan.
Come fan per tirar, es ben estraordinari ?
Anaràs, grand colhon, lo tirassar a sa plaça !

E quant n’i a aquest’an, de menestriers sus lo Carri ?
Crèse que, grand colhon, n’i a tres emai una agassa.
Come fai per cantar, es ben estraordinari ?
Anaràs, grand colhon, bramar un pauc a sa plaça !

E quant n’i a aquest an, de grands senhors sus lo Carri ?
Crèse que, grand colhon, n’i a qu’un e fai la radassa.
Come fai per dormir, es ben estraordinari ?
Anaràs, grand colhon, faire lo rèi a sa plaça !

E quant n’i a aquest’an, de rodas sota lo Carri ?
Crèse que, grand colhon, que n’i a qu’una, que n’i a qu’una.
Come fan per rotlar, es ben estraordinari ?
Anaràs, grand colhon, demandar a la comuna.

Tot urós me promenave
Un bèu matin de juliet,
E lo solèu dardalhava,
Fai bòn d’èstre matinier!
E fasiá caud, …

Legir tot

Tot urós me promenave
Un bèu matin de juliet,
E lo solèu dardalhava,
Fai bòn d’èstre matinier!
E fasiá caud, e fasiá caud !
Talament qu’ai quitat ma vèsta e
coquin de sòrt me siáu dich :
"Come fai caud, come fai caud !"

Fasiá un temps de rassada,
Lo canhard m’a ensucat.
Ai agantat ’na susada,
Podiáu plus ren suportat.
Que fasiá caud, que fasiá caud !
Meme qu’ai levat m’a camisa e
coquin de sòrt me siáu dich :
"Come fai caud, come fai caud !"

L’espetacle èra pas triste,
Vesiáu lei gents me badar,
Mai au mitan dei toristas
’Quò se remarcava pas.
Que fasiá caud, que fasiá caud !
Talament qu’ai tombat mei braias e
coquin de sòrt me siáu dich :
"Come fai caud, come fai caud !"

Puei, siáu passat per ’na dralha
Bordada ’mé de boissons.
Mai de marchar sensa braias,
M’an grafinhat lo gropion.
Que fasiá mau, que fasiá mau !
En mai d’aquò, ai estrassat
mon bèu zilipe de nilon !
N’ère malaut, n’ère malaut !

Come ai totjorn la crespina
Un gròs niva es arribat
E ben segur se devina
Qu’una raissa m’a banhat
A tant plogut, a tant plogut
Que meis abits m’an escapat e
son tombats dins lo valat.
Ai tot perdut, ai tot perdut !

Come aviáu l’èr d’un nudista
Siáu anat per m’assostar
Dins un camp de naturistas
Qu’èra aquí just a costat.
Me siáu banhat, me siáu banhat !
Come aviáu gardat mon capèu,
coquin de sòrt m’an pas vogut.
Me siáu lanhat, me siáu lanhat !

Escota l’enfant
Que te ditz qu’a fam,
Que te tèn la man
Per un troç de pan.
Que siegue African …

Legir tot

Escota l’enfant
Que te ditz qu’a fam,
Que te tèn la man
Per un troç de pan.
Que siegue African
O que siegue Afgan,
‘Queu qu’a pas de pan
Quand a fam, a fam.

Repic :
E ieu siáu tot solet,
Siáu davant ma telé
Come fan de milions,
De miliards de colhons.
Tant que per lo monde
Entendrai lo canon
Que trona, que gronda,
Orlarai : « Non e non ! »

Regarda l’enfant
Que se’n vai trimant,
Son uelh suplicant
Te ditz son carcan.
Pareis que n’i a tant
Per carriera qu’an
Donat tot son sang
Son còrs e seis ans.

Repic

Escota l’enfant
Bramant sa maman
Cochat au mitan
D’un fangàs de sang.
Sauvatge assassin
N’i a pron a la fin
De tratar ansin
L’enfant coma un chin.

Repic

Marrits maufatans
Orrìblei tirans,
Vergonhós brigands,
Merdós traficants,
Serem contents quand
Vos veirem crebant,
Vos veirem cremant
Dau fuòc de Satan.

1- Vèni vèi la fouant

Vèni vèi la fouant
Janetou ma mìo.
Vèni vèi la fouant
Que toutei lei van. …

Legir tot

1- Vèni vèi la fouant

Vèni vèi la fouant
Janetou ma mìo.
Vèni vèi la fouant
Que toutei lei van.

O noun li vau pas
Moun fringaire, moun fringaire.
O noun li vau pas,
Moun fringaire li èi pas.

2- La tanto Genevièro

La tanto Genevièro
De vèi Aucelou
En batènt soun burre
Especè soun platou.

Lou burre se remasso
Lou platou se petasso
Cresian tout perdu
I’agué rèn de foutu !

3- Dins lou bouas d’Angialo

Dins lo bouas d’Angialo
I’avié’n chabriou,
Que toujour bramavo
De la pòu dóu loup.

Sant-Jóusè m’a di :
Pren-te gardo, pren-te gardo !
Sant- Jóusè m’a di :
Pren-te gardo père ici !
Quand …

Legir tot

Sant-Jóusè m’a di :
Pren-te gardo, pren-te gardo !
Sant- Jóusè m’a di :
Pren-te gardo père ici !
Quand jalo, quand nèvo, li marrìdi gènt
Soun pèr orto d’aquéu tèms.

M’a mes quatecant
L’alabardo, l’alabardo,
M’a mes quatecant
L’alabardo entre li man :
Qui marche ? Qui vive ? Vese tres voulur,
Qui va la ? Sian segur.

Lis ai vist de près
Qu’an de mourre, qu’an de mourre !
Lis ai vist de près,
Qu’an de mourre de travès.
De pato, de grifo, coume noste cat,
E de co coume de rat !

Malurous Satan,
Qu’as lis alo, qu’as lis alo.
Malurous Satan,
Qu’as lis alo d’un tavan.
Que dises ?que groundes ? Fagues pas lou fin !
Toun Mèstre es aqui dedins.

Bèl ange Michèu,
Sourtès vite, sourtès vite.
Bèl ange Michèu
Sourtès vite, venès lèu.
Li diable barrulon à l’entour dóu jas.
Mandas-lei au païs bas.

Aquelei montanhas
Que tant autas son
M’empachan de veire
Meis amors ont son.

Repic
Se canta ,que recante,
Canta pas …

Legir tot

Aquelei montanhas
Que tant autas son
M’empachan de veire
Meis amors ont son.

Repic
Se canta ,que recante,
Canta pas per ieu,
Canta per ma miga
Qu’es au luench de ieu.

Autas, ben son autas,
Mai s’abaissaràn
E meis amoretas
Vers ieu revendràn.

Avau dins la plana
I a’n pibol traucat,
Lo coguieu ié canta
Quand ié vai nisar.

A la fònt de Nimes
I a un ametlier
Que fai de flors blancas
Au mes de janvier.

S’aquelei flors blancas
Eran d’ametlons,
Culhiriáu d’amètlas
Per ieu e per vos.

Se sian paure, sian countènt,
I’a de faiòu dins l’oulo.
Se n’i’a gaire, n’i’a souvènt,
Fasèn la farandoulo !

Legir tot

Se sian paure, sian countènt,
I’a de faiòu dins l’oulo.
Se n’i’a gaire, n’i’a souvènt,
Fasèn la farandoulo !

1- Quora a la campanha
Avètz la caganha,
Anatz d’escondons
Darrier lei boissons.
Tamben dins la vila,
Te fas pas …

Legir tot

1- Quora a la campanha
Avètz la caganha,
Anatz d’escondons
Darrier lei boissons.
Tamben dins la vila,
Te fas pas de bila,
Sus lei trepadors,
I a de cagadors !

R- Tchagador d’aquí,
Tchagador d’eilà,
I a de cagadors
Sus lei trepadors.
Tchagador d’aquí,
Tchagador d’eilà,
I a de cagadors
Un pauc de’n pertot !

2- Mai dedins la vila
Lo chin es tranquile,
Pren lo trepador
Per son cagador.
Sei gròssei petolas,
‘Quò te reviscola. Per te congostar,
As que de niflar !

3- La memèi que passa
Aquí sus la plaça,
Tirassa son bèu,
Son polit cadèu.
Lo chinet s’arrèsta
Lèu-lèu, a la lèsta.
E davant ton nas,
Fai son estronàs !

4- I a ges de vergonha
De se metre en ronha
En vesent ansin,
Leis estrons de chin.
S’aquela chinalha
Portava de braias,
Podriam permenar
Sens se’n enviscar !

5- Aquela caganha,
Aquò me carcanha.
Ma desolacion
Es la polucion.
A n’aqueu problèma
Ieu, vese quand meme
Una solucion :
La constipacion !

6- Mai fau pas ne’n rire
Dau cadèu martire,
Car meme estacat
Ié fau ben cagar.
Crese que fau faire
Per lei chins, de caire,
Quauquei cagadors
Per sei petadors !

7- Vaquí lei promièrei
Mòtòs petolièras
Que van netejar,
Que van tot pipar,
Pipar ‘mé sei golas,
Pipar lei petolas,
Pipar lei chins, puei,
Pipar lei memèis !

1- Un jorn, Papà me diguèt :
« Ara que siás grand, te fau maridar ».
Un jorn, Papà me …

Legir tot

1- Un jorn, Papà me diguèt :
« Ara que siás grand, te fau maridar ».
Un jorn, Papà me diguèt :
« Emé la Nicòla te fau maridar ».
Emé la Nicòla, aquò risca pas,
A lei gautas mòlas, lei pès revirats.
E puei sei guibòlas fan que bolegar.
Es a mitat fòla, e me convèn pas.

R- Ieu m’agrada mai, la bèla Amelìa,
O a la rigor, la bèla Sofìa.
Ieu m’agradan mai, lei polidei filhas
Qu’an de biais e puei de filosofìa.

2- Alòr, Papà me diguèt :
« Ara que siás grand, te fau maridar ».
Alòr, Papà me diguèt :
« Emé la Martina, te fau maridar ».
Emé la Martina, aquò risca pas :
I ai vist sei tetinas, sembla que n’a pas.
A una trombina que me revèn pas.
Sembla’na monina e me convèn pas.

3- Alòr, Papà me diguèt :
« Ara que siás grand, te fau maridar ».
Alòr, Papà me diguèt :
« Emé la Janeta, te fau maridar ».
Emé la Janeta, aquò risca pas :
Pareis quand s’asseta, se pòu plus levar.
Emé sei lunetas, son nas de costat,
Sembla a-n-una ableta, e me convèn pas.

4- Alòr, Papà me diguèt :
« Ara que siás grand, te fau maridar ».
Alòr, Papà me diguèt :
« Emé la Felisa, te fau maridar ».
Emé la Felisa, aquò risca pas :
A la tore de Pisa, fai un pauc pensar.
Se fai tròp de bisa, risca de tombar.
Fai que de bestisas e me convèn pas.